Rama: Mini- Shengeni nuk është plani B i Ballkanit Perëndimor
“Nëse u qëndrojmë besnikë vlerave tona demokratike dhe misionit për zhvillim gjithëpërfshirës, nuk ka alternativë tjetër për Shqipërinë”
Kryeministri Rama ka hedhur poshtë çdo aludim që ka qarkulluar në muajt e fundit se Mini- Shengeni Ballkanik mund të jetë një lloj plani për të zëvendësuar perspektivën europiane të vendeve të Ballkanit Perëndimor.
Përmes një editoriali të botuar në "Euroactiv", Rama thekson se ky proces i nisur në Novi Sad dhe i vijuar më pas në Ohër dhe në Durrës është thjesht një tentativë e këtyre vendeve për të bashkëpunuar mes tyre, si një përgatitje para se të hyjnë në Bashkimin Europian. Duke marrë shkas nga Konferenca e Donatorëve për rindërtimin në Bruksel, Rama thotë se ky event është një tjetër tregues për vëmendjen e BE- së ndaj Ballkanit Perëndimor dhe Shqipërisë në veçanti. "Të hënën e ardhshme ( 17 shkurt), Komisioni Europian do të zhvillojë Konferencën Ndërkombëtare të Donatorëve për t'i ardhur në ndihmë Shqipërisë në procesin e rindërtimit pas tërmetit të nëntorit, që ka shkaktuar kaq shumë dhimbje në vendin tonë. Thelbi i ngjarjes është lidhja e pathyeshme mes BE- së dhe Shqipërisë, një lidhje që e justifikon çdo përpjekje për ta përforcuar marrëdhënien dhe për të përparuar në planet tona për integrim. Disa e kanë përshkruar vendimin e vitit të kaluar të BE- së për të shtyrë hapjen e negociatave të anëtarësimit me Shqipërinë dhe Maqedoninë e Veriut si fundi i një epoke dhe na këshilluan t'i planifikonim reformat tona përtej mantrës së integrimit dhe anëtarësimit. Të tjerë u ngutën ta përkufizonin mungesën e marrëveshjes mes shteteve anëtare të BE- së si një gabim historik, një gabim i tillë që i hap dyert një konkurrence të egër mes fuqive të mëdha dhe të mesme për Ballkanin Perëndimor. Për disa është e thjeshtë të ngatërrojnë një pengesë në rrugë me tërmetin, por ne shqiptarët që sapo kaluam një eksperiencë të tillë shkatërrimtare, mund ta dallojmë ndryshimin. Nëse i qëndrojmë besnikë vlerave tona demokratike dhe misionit për zhvillim gjithëpërfshirës dhe të përbashkët, nuk ka alternativë tjetër për Shqipërinë", shkruan Rama ndër të tjera. Kreu i qeverisë hedh poshtë çdo mundësi për ekzistencën