Rama: PPP- të janë politizuar, asnjëherë nuk janë kuptuar
“Integrimi në BE do të lidhet me kapacitetet tona për të ndërvepruar”
Kryeministri Rama i cilësoi PPP- të si mekanizma që do të çojnë ekonomitë e rajonit përpara.
Duke folur nga aktiviteti i Këshillit të Bashkëpunimit Rajonal ( RÇ) dhe Forumit Ekonomik Botëror ( WEF- Davos) për përshpejtuesit e konkurrencës dhe inovacionit në hapësirën e Ballkanit Perëndimor, Rama tha se PPP- të janë politizuar dhe nuk janë kuptuar për rëndësinë që ato kanë në ekonomitë e vendeve. “Duhet të shfrytëzojmë me sukses potencialin e ekonomive tona. Po të them PPP, menjëherë do të kem shumë njerëz që do fillojnë të bëjnë zhurmë ose do ta politizojnë çështjen. Asnjëherë nuk kanë treguar vullnet për të kuptuar sa e rëndësishme është t’i kemi PPP- të si pjesë të përpjekjes sonë të përgjithshme. PPP- të janë ato që do na mbështesin fuqishëm të gjithëve ne në identifikimin, duke na shtyrë më tej përpara për iniciativa, të cilat do të krijojnë kushte të reja dhe iniciativa të reja për ‘ start up- et’. Neve na nevojitet një platformë, në mënyrë që t’i sjellim së bashku këta fëmijë dhe t’iu themi që ‘ nuk jeni vetëm’. Na duhet një platformë për t’i ngritur këta fëmijë në një stad të ri. Kjo platformë do të ketë ndikim në mënyrë shumë të rëndësishme në cilësinë e ndërveprimit të dialogut, duke adresuar jo vetëm temat klasike, lëvizjen e njerëzve, kufijtë e tarifave pa barriera, por duke i adresuar ato në një formë jotradicionale”, tha Rama. Ai foli për një rrjet bashkëpunimi rajonal, ndërsa theksoi se integimi në BE do të varet shumë nga aftësitë e vendeve për të ndërvepruar në rajonin e Ballkanit. “Së dyti, është një mundësi e mrekullueshme për të krijuar një qendër koordinimi nëpërmjet rrjeteve të dijeve. Së treti, duke krijuar një këshill rajonal për konkurrueshmërinë, ne nuk do të adresojmë thjesht dhe vetëm të ardhmen e vet akseleratorit, por edhe të ardhurat e tyre. Së fundi, kemi dhe sigurinë kibernetike, që është një sfidë e madhe për të gjithë, por që nuk mund të përballohet vetëm dhe të ndarë nga njëri- tjetri. Është një sfidë edhe për BE- në, por fakti që Europa po punon për këtë çështje, është shumë e rëndësishme, që edhe ne në rajonin tonë të fillojmë të punojmë. Integrimi në BE është një proces që bazohet mbi merita për secilin vend, por konceptimi që tashmë po na del me metodologjinë e re dhe qasja që Europa do të ketë ndaj nesh si individë, do jetë shumë e shumë herë e lidhur me kapacitet tona për të ndërvepruar me të tjerët. Sa më shumë t’i japim ne BE- së shembuj të ndërveprimeve tona të suksesshme, aq më shumë BE- ja do respektojë përpjekjet tona individuale dhe do jetë më i qetë në konkluzionin për të na futur brenda”, tha Kryeministri. Ai foli për një faqe të re të historisë së vendeve të Ballkanit Perëndimor. “Ne kemi filluar të shkruajmë një kapitull të ri, duke sjellë së bashku të gjitha vendet e Ballkanit Perëndimor, për herë të parë, duke i ulur ato rreth një tavoline të përbashkët, për të folur për mundësinë tonë të së ardhmes. Po shohim një punë që është në proces e sipër dhe që zhvillohet paralelisht me sfidat. Pavarësisht kësaj, ne jemi të angazhuar dhe do të ecim përpara, sepse kjo është ajo që ne ua detyrojmë fëmijëve tanë”, tha Kryeministri Rama.