Berisha: Shëndetësia sot është më keq se në kohën e Enverit
Ish- Kryeministri Sali Ber- isha hodhi akuza të forta dje ndaj Kryeministrit Edi Rama dhe qeverisë së tij, sa i përket sektorit të Shëndetësisë. Për të ilustruar nivelin e vjedhjes së madhe në këtë fushë dhe pandjeshmërinë e qeverisë, Berisha zgjodhi të krahasojë Kryeministrin Rama me rreshterin Tenardie, në librin ‘ Të mjerët’ e Viktor Hygoit. “Ndër të gjitha personazhet e letërsisë botërore, njëri është më i veçanti dhe ky është ‘ Rreshteri Tenardie’, personazh te ‘ Të mjerët’ e Viktor Hygoit, i cili vidhte të plagosurit dhe të vdekurit në fushëbetejë. E vërteta është se sot skenat e fushë betejës përsëriten nga dyshja Edvin Kristaq Hajduti dhe ndrikulla e tij që drejton Shëndetësinë. Të pangopur, këta vjedhin si lukuni, çdo ditë, medikamentet e vaksinat jetike për shëndetin e qytetarëve. Këta shpikën check up- et e koncesionet, duke vjedhur të sëmurët shqiptarë”, tha Berisha. Po ashtu, ish- deputeti i PD- së reagoi edhe ndaj deklaratave të Kryeministrit Rama në ceremoninë e diplomimit të 1600 studentëve të Mjekësisë, ku tha se Shqipëria nuk ka emergjencë mjekësh. “Ky cinik injorant, nuk kupton se sot në mjek për frymë, Shqipëria është më keq së në kohën e Enver Hoxhës. Numri i mjekëve për frymë është një nga treguesit themelorë të një sistemi shëndetësor, por atij ia kanë mbyllur sytë koncesionet. Shqipëria po shkon në një mjek për 1200 banorë. Po nuk duhet habitur, se po ky ‘ Tenardie’, do të deklaronte pak muaj më parë, dhe do bënte Europën të qeshte me të, se Shqipëria nuk ka banda. Në fakt, kur je kryebandit, bandat të duken lule”, vijoi akuzat Berisha.