Rama me mesazhin e Trumpit: Frikë aspak, kujdes shumë
Me komunitetet fetare, Rama: S’ndërpriten ritualet në kisha e xhami
Kryeministri Rama bëri thirrje dje gjatë gjithë ditës për qetësi dhe jo panik në përballimin e situatës me koronavirusin.
Teksa ka shpërndarë reagimin e Presidentit amerikan, Donald Trump, Rama thekson se nuk duhet pasur frikë, por të tregohet shumë kujdes. Kreu i qeverisë shqiptare thekson se deklarata e Presidentit amerikan është fakti që të mos humbet qetësia dhe kthjelltësia. "Frikë aspak, kujdes shumë! Ky prononcim i Presidentit të Shteteve të Bashkuara nuk duhet lexuar kurrsesi si një ftesë për moskokëçarje, por thjesht si një fakt për të mos humbur qetësinë e kthjelltësinë: ' Vitin e shkuar, 37.000 amerikanë humbën jetën nga gripi i zakonshëm. Mesatarja vjetore e vdekjeve nga gripi ( SHBA) është mes 27.000 dhe 70.000 në vit. Asgjë nuk ndalet, jeta & ekonomia vazhdojnë. Në këtë moment janë konfirmuar 546 raste të koronavirus dhe kanë humbur jetën 22 persona. Mendojeni pak!'", shkruan Kryeministri. Sipas Kryeministrit, receta më e gabuar në raste të tilla është ajo që buron nga paniku, ndërkohë që ilaçi më efektiv është qetësia dhe zbatimi i gjithë rregullave të thjeshta, por shumë efikase, edhe sipas njoftimeve të vazhdueshme të OBSH- së. Sipas
Kryeministrit, Shqipëria nuk do t'i mbyllë kufijtë e saj. "Në gjithë vendet ku ka prevaluar qetësia, vetëpërmbajtja dhe administrimi i këtij fenomeni kërcënues është më i mirë. OBSH- ja kundërshton me forcë mbylljen e kufijve. E them këtë, se në mënyrë të vazhdueshme është predikuar nga burime të pacertifikuara që nuk kanë asnjë kompetencë për këshilltarin apo sugjeruesin se duheshin dhe duhen mbyllur kufijtë dhe siç tregojnë eksperiencat e vendeve, mbyllja e kufijve është një masë shumë drastike, e përdoruar pothuajse fare apo pjesërisht në raste shumë specifike, të lidhura me të dhëna shumë specifike që vendi sot nuk i ka", tha Kryeministri Rama. Ai u bëri thirrje të rinjve që të shmangin pub- et e klubet e natës, ku kërcehet e
Kryetari i Grupit Parlamentar të Partisë Socialiste, Taulant Balla, tha dje se nuk ka vend për panik pas konfirmimit të 2 rasteve me koronavirus në Shqipëri dhe se puna në Kuvend do të vijojë normalisht. "Kuvendi do të vazhdojë normalisht punën. Të zbatojmë pikë për pikë rekomandimet dhe urdhrat e specialistëve të Ministrisë së Shëndetësisë", ka theksuar Balla. "Nuk ka vend për panik, prandaj vazhdoni punën në komisione dhe seancë plenare", u ka thënë Balla deputetëve socialistë gjatë mbledhjes. Në mbledhje u miratua gjithashtu edhe rregullorja e Grupit Parlamentar. këndohet se kontakti i atyshëm është shumë i afërt dhe nuk është rrezikshmëria te të rinjtë, por bartja te më të moshuarit në shtëpi. Të ruajmë ata që janë më moshuar". TAKIMI Kryeministri Rama priti dje drejtues të komuniteteve fetare, të të cilëve u kërkoi eliminimin gjatë kësaj periudhe të disa shërbesave dhe ritualeve. Rama sqaroi se "nuk bëhet fjalë për të mbyllur kishat dhe xhamitë, por duhet kujdes dhe duhen evituar disa rituale siç janë puthja e dorës, përqafimet, faljet ngjitur etj". Kryeministri theksoi se "janë disa kategori, si më të moshuarit që janë një pjesë e konsiderueshme, që vijnë në kisha e xhamia". "Duhet të dekurajohen të mos kenë kontakte se janë më vulnerabël, sepse kjo është një epidemi që të moshuarit dhe ata me sëmundje kronike i kërcënon me jetë. Nuk rrezikon moshat e tjera apo njerëzit e shëndetshëm", tha Rama.
KËSHILLAT Kryeministri publikoi në "Facebook" 10 këshilla, që duhet të kenë parasysh qytetarët për koronavirusin. Sipas kreut të qeverisë, këto porosi janë dhënë për individët në të gjithë botën, ku në thelb është higjiena personale e çdo personi. "10 porosi të dhëna në gjithë botën për reagimin e individit ndaj koronavirusit: Frika nuk ndihmon, kujdesi po! Shmangni sa të jetë e mundur shtrëngimet e duarve! Asnjë panik dhe asnjë dyshim se do ta kalojmë edhe këtë sfidë së bashku, duke mos e harruar asnjë çast se nuk jemi përpara fundit të botës, po përpara një virusi të panjohur deri më sot ( me shërueshmëri mesatare statistikore në 97% të rasteve)", janë disa nga porositë e Kryeministrit.