KREU I POLICISË, URDHËR PËR MOSLEJIMIN E GRUMBULLIMEVE TË NJERËZVE
Policia e Shtetit shpërndau mbrëmë një urdhër që lidhet me marrjen e masave për të parandaluar përhapjen e koronavirusit në vend. Këto masa kanë të bëjnë kryesisht me zbatueshmërinë e vendimeve të marra në mbledhjen e djeshme të qeverisë, të cilat lidhen kryesisht me shmangien e grumbullimit të njerëzve në ambiente të mbyllura apo të hapura, përfshirë këtu lokale, pub- e, palestra, aktivitete sportive, kulturore. Urdhri mban firmën e Drejtorit të Përgjithshëm të Policisë, Ardi Veliu. Ky urdhër vjen pas deklaratës së Kryeministrit Edi Rama, i cili tha në mbledhjen e djeshme të qeverisë se shumë shpejt do të mbyllen të gjitha ambientet që grumbullojnë njerëz, si klube, pub- e, palestra dhe disko. "Nga ana juaj të merren masa për kontrollin e situatës në territor dhe moslejimin e zhvillimit të aktiviteteve me karakter masiv, qofshin ato publike dhe jopublike si: lokale, pub- e, bilardo, palestra, çdo ambient që mbledh dhe grumbullon shumë persona dhe qendra të tjera argëtimi; aktivitete sportive, aktivitete kulturore, konferenca, seminare, teatro, kinema etj; grumbullime të tilla si tubime, manifestime, parakalime, koncerte, dëgjesa publike", thuhet në urdhrin e Drejtorit të Përgjithshëm të Policisë. ambienteve që ofrojnë shërbime, lokale nate, disko apo të tjera lloje shërbimesh. Mbylljen për publikun deri në datën 3 prill të ambienteve të mbyllura të dedikuara për argëtimin e fëmijëve apo të rinjve, aktiviteteve në palestra, qendra sportive, pishina, qendra kulturore, qendra sociale apo qendra argëtimi", tha Manastirliu. Duke theksuar se prioritet për qeverinë mbetet mbrojtja e shëndetit të qytetarëve dhe sidomos të moshuarit, Manastirliu tha se një ndër masat është dërgimi i pensioneve në shtëpi për këtë shtresë. "Këtë muaj dhe deri në përfundim të kësaj situate, të gjithë pensionistëve do t'i dërgohet pensioni në shtëpi me kosto zero, duke u mbështetur nga ministria e Financave. Postat duhet të garantojnë vazhdimësinë e shërbimit dhe të garantojnë masat për të kufizuar kontaktet me njerëzit", u shpreh Manastirliu. Ministrja e Shëndetësisë theksoi më tej se është vendosur për karantinën e detyrueshme, me qëllimin e vetëm për të mbrojtur më të pambrojturit. "Jemi të vendosur për karantinën e detyrueshme, sido që të jetë, ne do kujdesemi për ata që janë më të pambrojturit në këtë situatë, për të moshuarit dhe do të kujdesemi që të mos përhapet ky virus", u shpreh Manastirliu.
VKM
Gjithashtu, në mbledhjen e djeshme të qeverisë u vendos që të jepet pushim për njërin nga prindërit që kanë fëmijë në shkollë apo çerdhe. Vendimi do të jetë në fuqi deri më datë 23 mars dhe i vlefshëm për të gjitha institucionet shtetërore. Gjithashtu, qeveria iu bën thirrje edhe kompanive private që të marrin parasysh një vendimmarrje të ngjashme për punonjësit e sektorit privat.