Republikanët nisin vetëkarantinën, Trump s’testohet: Ndihem mirë!
Pesë republikanë amerikanë janë vetëkarantinuar pas kontaktit me persona që rezultuan pozitivë me koronavirus. Anëtarë të Kongresit, të cilët përfshijnë senatorin e Teksasit, Ted Cruz, u izoluan pasi ata shtrënguan duart me një individ të infektuar në një konferencë. Presidenti Donald Trump, i cili ishte gjithashtu në konferencën republikane, thotë se nuk ka bërë ndonjë test. Kryetari i Unionit Konservator Amerikan, Matt Schlapp, tha se kishte pasur “kontakt” me një pjesëmarrës të infektuar me koronavirus në konferencë. Schlapp ishte me Presidentin Trump ditën e fundit të konferencës së konservatorëve, ku i shtrëngoi dorën Presidentit. Mes njerëzve që udhëtonin me Presidentin Trump në avionin e tij “Air Force One” të hënën, ishte ligjvënësi republikan Matt Gaetz, i cili njoftoi disa orë më vonë se do të vetizolohej në karantinë sepse kishte pasur kontakt në konferencë me një pjesëmarrës të testuar pozitiv për koronavirusin. Presidenti Trump tha të martën tha se ai nuk është testuar për koronavirus, duke thënë se nuk ka simptoma të sëmundjes dhe se ishte ekzaminuar nga mjeku i Shtëpisë së Bardhë. “Nuk mendoj se është gjë e madhe. Megjithatë do ta bëja ( një testim). Nuk më duket se ka ndonjë arsye, ndihem jashtëzakonisht mirë. Ndihem shumë mirë”, u tha Presidenti gazetarëve në selinë e Kongresit në Shtetet e Bashkuara, ku ka më shumë se 700 raste dhe 26 të vdekur nga virusi.
Përhapja e koronavirusit po ndjek të njëjtën trajektore në të gjitha vendet e prekura.
Profesori i University College London, Mark Handley, krahason përhapjen e infektimit me koronavirus, që tani është në krizë, me UK, Gjermaninë, Francën, Spanjën, Shtetet e Bashkuara dhe Zvicra, të cilat duket se po rriten me të njëjtat ritme. Rritja ditore prej 33% është hasur në të gjitha vendet. Edhe Mbretëria e Bashkuar mund të jetë drejt rrugës së krizës, ashtu si edhe në Itali. Këtë e thonë ekspertët. Italia mbylli 60 milionë shtetasit e saj në karantinë dhe ndaloi çdo lëvizje nga një qytet në tjetrin. Sipas specialistëve, edhe Mbretëria e Bashkuar po ndjek të njëjtën trajektore dhe mundët që të gjendet në të njëjtën situatë si edhe Italia, në më pak se dy javë.
Numri i rasteve në Itali kërceu nga 3 në 21 shkurt, në rreth 10.149. Ndërsa Mbretëria e Bashkuar po lëviz nga 9 në 373. Zyrtarë të institucioneve shtetërore italiane janë shprehur dje se koronavirus është duke u përhapur “si zjarr”. Profesor Giacomo Grasselli, i cili koordinon rrjetin e kujdesit intensiv në Lombardi, shprehet se “Ajo që ndodhi me ne, i ngjan një bombe që ka shpërthyer”. “E vetmja mënyrë për të fituar këtë luftë është të ndryshojmë sjelljen e njerëzve, të cilët duhet të rrinë në shtëpi, të shmangin vendet e populluara dhe të lajnë duart. Duhet të kemi shumë kujdes, pasi po përhapet me shpejtësi, si një zjarr”.
Biologu i University College London, prof. Dr Francis Balloux, shprehet se “Trajektorja e epidemisë në UK është e krahasueshme me atë në Italinë Veriore, por me situatën e 2- 3 javë përpara situatës në UK”. Dr Balloux thotë se edhe Mbretëria e Bashkuar mund të përballet me të njëjtën situatë si në Itali. Fillimisht, virusi nisi të përhapet në një resort skish në Alpet në veri dhe rajonet e Milanos, Venecias dhe Komos hynë në karantinë. Sot e gjithë Italia është në karantinë, ndërsa çdo aktivitet është paralizuar. Për një kohë të gjatë. Britania nuk mori asnjë masë për të parandaluar përhapjen e virusit, që deri dje zyrtarët shpreheshin se do ta ndalonin.