Kërkesa për referendum, KQZ s’arrin të marrë vendim
Denar Biba: Referendumet s’bëhen për të shuar kureshtjen
Komisioni Qendror i Zgjedhjeve nuk arriti as dje që të marrë një vendim për nismën e 12 nismëtarëve nga shoqëria civile për të zhvilluar një referendum për ndryshimin e sistemit zgjedhor në votimet e ardhshme. KQZ- ja u nda në votim, në 3 vota kundër dhe dy vota pro. Por kërkesa nuk ka vendimmarrje, pasi duhen 4 vota e duhura për rastin e votimit. Kërkesa e shoqërisë civile përçau anëtarët e PS- së në Komisionin Qendror të Zgjedhjeve. Aktualisht, KQZ- ja përbëhet nga kryetari dhe 4 anëtarët, ku të 4 janë të maxhorancës. Në votim janë shprehur kundër 3 anëtarë të PS- së: Denar Biba, Edlira Jorgaqi, Bledar
Skënderi. Ndërsa pro referendumit votoi anëtarja më e re e PS- së në KQZ, Rezarta Bitri, dhe kryetari i KQZ- së, Klement Zguri. Propozuesit Kristaq Kume, Nisma Thurje etj., kërkojnë ndryshim të sistemit zgjedhor për t’ju krijuar mundësinë që të zgjidhni vetë cili kandidat do t’ju përfaqësojë në Kuvendin e
Shqipërisë për referendum adresonin këtë pyetje: A jeni dakord të? Por nënkryetari Denar Biba u shpreh se kjo kërkesë e re nuk respekton ligjin, pasi i mungon arsyetimi. “Jemi përballë një kërkese të re. I mungon arsyetimi. Pyetja është specifikuar, krahasuar me të parën, por referendumet nuk bëhen për të shuar kureshtjen. Kushtojnë po aq sa një palë zgjedhje. Kërkesa e re nuk respekton ligjin”, tha Biba. Ndërsa sipas anëtarit Bledar Skënderi, pyetja e ngritur nga propozuesit lë vend për interpretim. “Pyetja është e paqartë. Lë vend për interpretime dhe nuk i vendos zgjedhësit përballë një kërkese të qartë”, tha Skënderi. Ndryshe nga kolegët e saj mendon Anëtarja e PS- së, Rezarta Bitri. Në arsyetimin e votës së saj, Bitri u shpreh se nuk duhej refuzuar e drejta për të mbledhur firmat.” Nuk kemi pse ju refuzojmë formularët tip, për të mbledhur 50 mijë firma. Të mos ua refuzojmë të drejtën për të mbledhur nënshkrime”, tha Bitri. Klement Zguri, kryetari i KQZ- së, u shpreh se ligjvënësi prej vitesh nuk sjell ligjin për referendumet dhe se legjislacioni që aktualisht është në fuqi, pengon qytetarët të shprehen lirshëm.