Virusi pezullon komisionet, anulohet seanca plenare
Edhe pse institucioni më i vonuar nga të tjerët, Kuvendi i Shqipërisë i ka pezulluar punimet për një afat të pacaktuar, për shkak të koronavirusit të ri COVID19. Dje u pezulluan dy komisione që ishin planifikuar për t'i zhvilluar punimet ditën e mërkurë, Komisioni i Ligjeve dhe ai i Medias. Gjithashtu, pak më vonë ishte kryetari i Grupit Parlamentar të Partisë Socialiste, Taulant Balla, i cili bëri më dije se kishte kërkuar nga Kuvendi që të anulohej edhe seanca plenare e planifikuar për në datën 12 mars. "Seanca plenare e parashikuar për t'u zhvilluar nesër më datën 12.03.2020, shtyhet deri në njoftim të dytë, për shkak të situatës së krijuar dhe në kuadër të masave mbrojtëse ndaj COVID- 19", shkruhej në njoftimin e shpërndarë nga Kuvendi.
Tashmë po kuptohet që nuk është shaka. Koronavirusi ka filluar pak nga pak të paralizojë jetën në Shqipëri dhe masat kanë filluar të bëhen shumë të ashpra, sidomos në Tiranë dhe Durrës, ku ishin dhe dy rastet e para të konstatuara me virusin e ri.
Dje, qeveria bëri me dije intensifikimin e masave për vendet, ku deri më tani kanë qenë dhe grumbullimet më të mëdha të njerëzve. Kështu që, prej ditës së sotme, asnjë bar dhe restorant në Tiranë dhe Durrës nuk do të hapet më deri në një moment të dytë. Thyerja e këtij vendimi nga këto subjekte do t'ju kushtonte një gjobë jo më pak se 20 milionë lekë të vjetra.
GJOBAT
Gjithashtu, në vendimin e djeshëm të ekspertëve të qeverisë është vendosur aplikimi i një gjobe prej 5 mijë eurosh për çdo qytetar shqiptar që ka ardhur nga zonat e rrezikut dhe ka thyer procedurën 2- javore për vetëkarantinim. "Caktimin e një gjobe në masën 5 mijë euro, për të gjithë ata qytetarë që vijnë nga zonat e prekura dhe nuk zbatojnë urdhrin e vetëkarantinimit të detyrueshëm apo ata qytetarë që nuk zbatojnë vetkarantinimin pas konfirmimit të diagnozës", thuhet në vendim. Gjithashtu, vendimi sugjeron për kompanitë me numër të lartë punonjësish që të marrin masa për distancimin e tyre jo më pak se 1.5 metra afër.
FASONET E CALL CENTER
Ndërsa për ndërmarrjet fason dhe ato call center sugjerohet që të reduktojnë numrin e punonjësve sipas mundësive. "Vendosjen e distancës së sigurisë mes punonjësve, prej 1.5 metra, në të gjitha bizneset që nuk mund të mbyllen për arsye të zinxhirit ekonomik. Reduktimin në maksimum të personelit të call center- ave dhe garantimin e distancave dhe të kushteve mbrojtëse për çdo punonjës! Sa më sipër, kërkojmë mirëkuptimin tuaj për veten tuaj, për familjet tuaja dhe për familjet e punonjësve tuaj", thuhet më tej në vendimin e propozuar nga Komiteti Teknik i Ekspertëve pranë qeverisë.
PENSIONISTËT
Ndërkohë për shtresën e pensionistëve, masat janë bërë akoma dhe më të ashpra, duke i shtyrë ata që të mos dalin nga shtëpitë e tyre. Pas vendimit të djeshëm për shpërndarjen e pagesës së pensionit nëpër banesat e pensionistëve, dje, qeveria mori vendim që ata që e marrin përmes bankave, mund ta tërheqin atë dhe më vonë do mund të paraqesin dokumentet e kërkuara. "Person