Vdes presidenti i Shoqatës Mjekësore në Itali, u infektua me koronavirus

Presidenti i Shoqatës Mjekësore dhe mjek i përgjithshëm në Busto Arsizio, Roberto Stella, vdiq në spitalin “Como” pasi u infektua nga Covid- 19. Mjeku 67- vjeçar u shtrua në spital për vështirësi të frymëmarrjes. Ministri i Shëndetësisë, Roberto Speranza, tha se “Ishte një mjek dhe një pikë referimi për shëndetin italian. Është një ditë jashtëzakonisht e trishtuar! Koronavirusi mori brenda pak ditësh një mik, një koleg, një president gjithmonë të gatshëm të sakrifikojë veten për të tjerët, pacientët e tij, për të gjithë mjekët dhe dentistët që ai i mësonte. Për fat të keq erdhën lajmet që ne kishim frikë dhe se askush nuk do të kishte dashur të dëgjonte: Roberto Stella, i cili ishte shtruar në spital për disa ditë në kujdes intensiv, nuk arriti t’ia dalë”.