Nis këtë javë testimi i ri serologjik

Prej kësaj jave do të nisë një testim i ri serologjik, i cili do të kryhet në laboratorin e dytë që do të jetë gati edhe për testimet për COVID- 19, laboratori i Qendrës Spitalore Universitare “Nënë Tereza”. Ky laborator do të kryejë testin e ri për konfirmimin e diagnozës dhe vlerësimin e imunizimit, duke filluar nga grupet e rrezikut, siç janë mjekët, por edhe strukturat e Policisë. “Ndërkohë, Instituti i Shëndetit Publik, Laboratori i Virologjisë, vazhdon në mënyrë sistematike testimin e të gjithë rasteve të dyshuar, gjurmimin e kontakteve dhe testimin e tyre për COVID- 19 dhe është në proces për ardhjen e sasive të tjera të testeve”, bën me dije Ministria e Shëndetësisë.