Nga fast- food- et te taksitë, si merret leja për nisjen e aktivitetit, cili ndalohet

Duhet verifikuar në “e- Albania” lista e bizneseve që fillojnë punën sot. Baret, berberët dhe urbanët mbeten të mbyllura

Pas 43 ditëve të mbyllura, shumë biznese mund të nisin sot aktivitetin e tyre ekonomik, duke respektuar disa masa për mospërhapjen e Covid- 19.

Sipas listës së publikuar në portalin e- Albania, nga sot nisin punën disa kategori aktivitetesh ekonomike. Të parat në listë janë punët e bujqësisë. Do të lejohet punët në ara dhe në sera të përshtatura për prodhimin e produkteve të ndryshme. “Kultivimi i drithërave ( përveç orizit), të bimëve bishtajore dhe farërave vajore. Kultivimi i orizit. Kultivimi i perimeve dhe pjepër e shalqi, rrënjore dhe tuberozë. Kultivimi i kallamsheqerit. Kultivimi i duhanit. Kultivimi i bimëve fibroze. Kultivimi i bimëve të tjera joshumëvjeçare. Kultivimi i hardhive. Kultivimi i frutave tropikale dhe subtropikale. Kultivimi i agrumeve. Kultivimi i frutave me bërthame dhe frutave me farë. Rritja e të tjera pemëve e shkurreve frutore dhe e frutave të thata. Rritja e frutave vajore. Kultivimi i kulturave për pije”, përcaktohet ndër të tjera në listën e publikuar në e- Albania. Po ashtu, komiteti teknik i përcaktuar për menaxhimin e situatës së krijuar nga virusi i ri Covid- 19 lejon nisjen e aktiviteteve edhe për prodhimet industriale. Duke respektuar rregullat për mospërhapjen e koronavirusit, do të lejohen të punojnë edhe aktivitetet për peshkimin në det dhe ujërat të ëmbla dhe aktiviteteve të tjera mbështetëse të tyre. “Nxjerrja e mineraleve kimike dhe plehrave kimike. Nxjerrja e torfave. Nxjerrja e kripës. Industri të tjera nxjerrëse p. k. t. Aktivitete mbështetëse për nxjerrjen e naftës dhe gazit natyror. Përpunimi dhe konservimi i peshkut, krustaceve dhe molusqeve. Përpunimi dhe konservimi i patates. Përpunimi i lëngut të frutave dhe perimeve. Procese të tjera përpunimi dhe konservimi të frutave dhe perimeve. Nxjerrja e mineraleve kimike dhe plehrave kimike. Nxjerrja e torfave. Nxjerrja e kripës. Industri të tjera nxjerrëse p. k. t. Aktivitete mbështetëse për nxjerrjen e naftës dhe gazit natyror. Përpunimi dhe konservimi i peshkut, krustaceve dhe molusqeve. Përpunimi dhe konservimi i patates”, qartësohet më tej në listën e e- Albania. SHËRBIMET UTILITARE

Nga sot, po ashtu, do të hapen disa nga shërbimet utilitare, të cilat deri tani nuk janë lejuar pas urdhrit të qeverisë për të penguar shpërndarjen e koronavirusit. Nga sot do të mund të hapen dhe të punojnë shërbimet gastronomike, të cilat mund të ofrojnë shërbimin “Take aëay” ose “Delivery”. “Shërbim ushqimor i lëvizshëm. Katering me porosi, i cili duhet të shërbehet vetëm ‘ Take aëay’ ose ‘ Delivery’. Aktivitetet e shërbimeve ushqimore të tjera ( përjashtohen baret dhe restorantet dhe lejohen të gjitha subjektet të cilat tregtojnë ushqim të shpejtë ( fast- food ose byrektore), të cilat duhet të shërbehen vetëm ‘ take aëay’ ose ‘ delivery’)”, vijon më tej lista e aktiviteteve që lejohen të punojnë. Ndërkohë, do të ketë liri edhe sa i përket transportit. Komiteti teknik i menaxhimit të situatës ka vendosur që të lejojë edhe nisjen e punës së taksive me vetëm një person në automjet. “Shërbime të ndryshme ndaj transportit tokësor. Shërbime të ndryshme ndaj transportit ujor. Shërbime të lidhura me transportin ajror”, përcakton komiteti teknik. Sakaq, ndër të tjera, do të lejohet edhe hapja e kampingjeve dhe hotelet. “Hapësirat për kamping dhe për parqe, për çadra ose rulotë argëtimi. Akomodime të tjera”, vijohet më tej. Ndërkohë, Kryeministri Edi Rama përmes një postimi në “Facebook” u bëri thirrje dje qytetarëve që të verifikojnë në listën e publikuar në e- Albania nëse bëjnë pjesë te bizneset që do të hapen ose jo dhe në portalin e- Albania të aplikojnë për leje ta ushtrimit të aktivitetit, të cilët duhet ta ketë patjetër nga e marta e në vazhdim. “Hapja e çdo aktiviteti tjetër jashtë asaj liste të miratuar është e kundërligjshme. e- Albania do të ketë gati nga sot në mbrëmje edhe lejen për ushtrim aktiviteti në bazë të listës së miratuar, të cilën çdo biznes duhet ta disponojë nga e marta e tutje për ushtrimin e veprimtarisë së vet”, shkroi Kryeministri Rama. Sakaq, Kryeministri tregoi skemën se si merret leja për ushtrimin e aktivitetit. Për ta siguruar një të tillë nga portali e- Albania, më parë subjekti duhet të jetë i regjistruar në portal. “Për të gjeneruar vërtetimin, mjafton të identifikoheni në llogarinë e biznesit në e- Albania me nipt- in tuaj dhe të përzgjidhni shërbimin ‘ Vërtetim për aktivitet ekonomik të hapur’. Pasi të klikoni butonin ‘ Përdor’, menjëherë në ekran do t’ju shfaqen të dhënat e biznesit tuaj dhe mesazhi nëse subjekti juaj lejohet ose jo të ushtrojë aktivitetin në këtë periudhë. Klikoni butonin ‘ Dërgo’ dhe vërtetimi do të vijë menjëherë në adresën e e- mail- it të biznesit, që është regjistruar në platformën e- Albania”, shkroi Kryeministri në “Facebook”. Ndërkohë, paralajmëroi pasoja penale për mosrespektuesit e urdhrave.

PROTOKOLLI I HIGJIENËS NË PUNË Vendimi për hapjen e një sërë kategorish biznesesh është shoqëruar me një rregullore, e cila detajon kushtet që duhen përmbushur, në mënyrë që të mos përhapet virusi i ri Covid- 19. Sipas dokumentit të bërë publik, punonjësit duhet të ruajnë distancën sociale dhe të mos prekin sendet apo objektet e kolegëve të tyre. Po ashtu, ata duhet që të mbajnë gjatë gjithë kohës maska dhe doreza. “Punëdhënësi është përgjegjës për sigurimin e vazhdueshëm të elementeve të higjienës ku përfshihen: sapun i duarve, dezinfektantët me bazë alkooli që kanë të paktën 60% alkool, letër të pastrimit të duarve ose peshqir me një përdorim, letra dhe dezinfektante për pastrimin e sipërfaqeve dhe sigurimi i koshave të mbyllur për eliminimin e mbetjeve. Punëdhënësi është përgjegjës për sigurimin e vazhdueshëm të mjeteve të mbrojtjes personale, si maska dhe doreza ( maskat mund të jenë dhe prej cope dhe të ndërrohen çdo ditë”, përcaktohet në dokumentin e komitetit teknik të menaxhimit të situatës. Ndërkohë, për monitorimin e zbatimit të rregullave të përcaktuara gjatë orarit të punës, komiteti teknik sugjeron që për çdo biznes me më shumë se 5 punëtorë, të instalohen kamera vëzhguese.