Tenderët, ministria dorëzon dokumentet në SPAK
PD: Zjarri ra 9 ditë pas denoncimit të opozitës për çmimet e fryra
Ministria e Shëndetësisë dorëzoi dje në Prokurorinë e Posaçme kundër Korrupsionit dhe Krimit të Organizuar ( SPAK) materialin fizik të tenderëve, që janë cilësuar si sekretë nga opozita shqiptare. Mësohet se SPAK ka marrë në dorëzim dokumentet dhe do të bëjë vlerësimin e tyre. Tenderët e klasifikuar sekretë u bënë objekt përplasjesh të forta mes Partisë Demokratike dhe institucionit të shëndetësisë. Opozita akuzoi ministren Ogerta Manastirliu se po bënte përpjekje për të zhdukur provat dhe ka shkuar deri aty, sa i vuri zjarrin zyrës së prokurimeve në këtë institucion. "Zjarri" që pretendonte PD- ja, fillimisht u tha nga Manastirliu se ishte një gënjeshtër e opozitës, më pas u shpreh se ishte thjesht një incident që kishte ndodhur 26 ditë më parë. Ndryshimi i qëndrimeve nga ministrja Manastirliu solli edhe një tjetër reagim të ish- deputetit të PD- së, Bardh Spahia. Ky i fundit, përmes një statusi në "Facebook" akuzoi ministren se gënjeu në deklaratat e saj, ndërkohë shtoi se zjarri në zyrën e prokurimeve ra 9 ditë pas denoncimit të PD- së me tenderët. "Në kuadër të fshehjes së të vërtetës, ministrja që i ' shet' të gjithë dhe nuk merr asnjëherë përgjegjësi individuale, tha se ' incidenti ka ndodhur 26 ditë më parë! E vërtetë, zjarri
TENDERË
janë marrë vetëm nga një kompani gjatë periudhës që ka qenë ministre Ogerta Manastirliu. Sipas PD- së, e njëjta kompani fitoi edhe këtë herë tenderin për respiratorët është konstatuar fiks 9 ditë pas denoncimit të parë të PD- së për tenderët sekretë dhe një ditë pasi emisionet investigative anonconin skandale dhe portalet publikuan një investigim mbi tenderin e paracaktuar të pajisjeve mjekësore, maskave dhe më vonë tenderin e kiteve nga OES Distribution ( firma jote e preferuar zonja ministre, që për koincidencë të fatit ka fituar fiks 166 tenderë gjatë periudhës tënde nga drejtimi i QSUT- së deri në daljen e tymit)", shkroi Spahia. Në vijim, ish- deputeti adreson edhe disa pyetje ndaj ministres. "Përse ' incidenti' ndodhi të paktën 5 orë e gjysmë pas orarit të punës 08: 00- 13: 00, që vetë ministrja me vendimin nr. 237 / 2020 ka përcaktuar në kuadër të epidemisë së
Covid? Komunikimi zyrtar që Ogerta e pranoi, thotë se alarmi antizjarr ka rënë rreth orës 18: 00. Përse gjithë ai zell për të djegur dokumente përtej orës 13: 00? Kaq shumë ishin sa nuk mjaftoi orari zyrtar, apo duhej që ndërtesa të ishte pa punonjës, që të mos mësohej se po digjeshin dokumente", vijoi Spahia.