Nga legalizimet te mbivendosjet, si do zgjidhen me ligjin e ri

Janë rreth 90 mijë familje që përjashtohen nga procesi i legalizimeve dhe do të marrin shpërblim

Familjet, të cilat përjashtohen nga procesi i legalizimit, do të përfshihen në skemën e kompensimit.

Një gjë e tillë përcaktohet në ligjin "Për përfundimin e proceseve kalimtare të pronësisë", i cili u zyrtarizua gati një javë më parë. "Poseduesit e ndërtimeve pa leje që nuk legalizohen, sipas nenit 18 dhe pikës 4, të nenit 29, të këtij ligji, trajtohen nga shteti nëpërmjet shpërblimit financiar, programeve sociale të strehimit, ose formave të tjera alternative të trajtimit", thuhet në nenin 33 të ligjit të ri. Janë mbi 90 mijë objekte, gjysma prej të cilave vetëm në kryeqytet, të cilat përjashtohen nga procesi i formalizimit për shkak se

MIJË FAMILJE

që janë përjashtuar nga procesi i legalizimit do të përfshihen në skemën e kompensimit. Në ligjin e ri përcaktohet që trajtimi i tyre të bëhet me një nga skemat e strehimit social ose duke i shpërblyer sipas kostos së ndërtimit bien ndesh me kriteret e caktuara. Me ndryshimet që i janë bërë ligjit, shtëpitë nuk kualifikohen nëse janë afër akseve rrugore ose të ndërtuara përgjatë vijës ku është planifikuar të kalojë një rrugë. Të penalizuar janë edhe ata që kanë ndërtuar në afërsi të shkollave apo objekteve të tjera publike, në zona të mbrojtura si edhe në territore të projektuara për investime strategjike. Nga ana tjetër, pronarët e shpronësuar për efekt të procesit legalizues do të marrin paratë e kompensimit. Vonesat e krijuara nga moslikuidimi i faturës nga ana e qytetarëve që janë në proces legalizimi, nuk do të penalizojnë pronarët në marrjen e kompensimit. Për rastet me mbivendosje, ligji përcakton që vlera e kompensimit financiar të vendoset në një llogari bankare të posaçme dhe vihet në dispozicion të subjektit, që do të rezultojë përfitues nga vendimi gjyqësor i formës së prerë, i cili zgjidh mbivendosjen.

MBIVENDOSJET

Sa i takon zgjidhjes për rastet me mbivendosje, kur kjo mbivendosje buron nga pasaktësi në hartën kadastrale, Drejtoria Vendore, specifikohet në ligj, bën korrigjimin në hartë dhe vijon me procedurat e regjistrimit. Gjatë evidentimit në terren mund të ndodhë që konstatohet se ka parregullsi në pasqyrimin e shumë titujve, atëherë bëhen korrigjimet e nevojshme për secilin prej tyre. Qëllimi final mbetet ai për të unifikuar atë që thuhet në letër, me atë që është faktikisht në terren. Kur mbivendosjet janë reale, pra, kur kemi të bëjmë me dy apo më shumë tituj të dhënë për të njëjtën pasuri, do të jetë Gjykata që do të thotë fjalën e fundit.

TOKA ME 7501

Veç atyre që nuk kanë asnjë dokument për tokën bujqësore që kanë në përdorim, apo kanë vetëm Aktin e Marrjes së Tokës në Përdorim, ka edhe një kategori tjetër. Janë ata, të cilët i kanë përmbyllur të gjitha procedurat, por nuk kanë ende në duar dokumentin e pronësisë, kjo sepse prona nuk është regjistruar nga Hipoteka. Të dhënat tregojnë që nga 450 mijë tituj pronësie të dhënë që nga nisja e procesit vetëm për 250 mijë prej tyre kanë përfunduar procedurat e regjistrimit. Sipas Agjencisë së Kadastrës, regjistrimi do të bëhet vetëm nëse përmbushen kriteret e përcaktuara edhe në tabelën përbri. Nga ana tjetër, kur nga verifikimi rezulton që ka mangësi, familjeve që janë në proces do t'u jepen 45 ditë afat për plotësimin e dosjes.