Debati për maskat, në Gjermani nisin veprime ligjore: S’janë efikase

Me debatin mbi rregullat për mbajtjen e maskave të fytyrës që vazhdojnë në disa vende evropiane, Komisioni Evropian bëri thirrje të mërkurën për një lehtësim të kujdesshëm të kufizimeve dhe zbuloi udhëzimet e reja që kërkojnë mbajtjen e maskave të fytyrës në avionë dhe trena, si dhe mbajtjen e distancës fizike në plazh dhe në hotele. Por jo të gjitha qeveritë europiane e konsiderojnë të detyrueshme mbajtjen e maskës. Deri tani mbajtja e maskës është e detyrueshme vetëm në transportet publike pothuajse në të gjitha vendet europiane që kanë rihapur transportet publike. Por përveç transporteve publike, disa qeveri, si qeveria spanjolle, mund ta bëjnë të detyrueshme mbajtjen e maskave të fytyrës në të gjitha hapësirat publike. Në Spanjë autoritetet thanë se masa më e mirë për të kontrolluar virusin ishte mbajtja e distancës prej dy metrash, maska mund të jetë me të vërtetë e dobishme kur bëhet fjalë për kontrollin e epidemisë. Në Gjermani, maskat në fytyrë janë të detyrueshme për transportin publik dhe, në shumicën e rajoneve, brenda dyqaneve, por një numër në rritje i njerëzve po ndërmarrin veprime ligjore duke argumentuar se maskat pengojnë shprehjen personale dhe nuk janë provuar të jenë një mjet efektiv për frenimin e virusit. Maska janë gjithashtu të detyrueshëm për transportin publik në Francë, dhe shumica e dyqaneve preferojnë që blerësit t’i mbajnë ato. Ndërsa qeveria belge, vendosi që shkollat, muzetë dhe parukieritë do të lejohen të fillojnë të rihapen nën kushte të rrepta distancimi dhe higjiene që nga 18 maji. Martesat dhe funeralet do të lejohen me jo më shumë se 30 të ftuar, dhe tregjet e rrugëve mund të fillojnë të tregtojnë përsëri me një maksimum prej 50 tregtarësh, të cilët duhet të mbajnë maska.