MASAT DISIPLINORE, 38 RASTE TË REFERUARA NË PROKURORINË E PËRGJITHSHME
Kjo bëhet e ditur në raportin vjetor të institucionit, ku janë pasqyruar rezultatet e një viti punë. Sipas raportit vjetor, prokurorët që kanë marrë mbrojtje, kanë marrë kërcënime që janë vlerësuar nga Komisioni për Mbrojtjen e Prokurorëve si serioze dhe që mund të preknin drejtpërdrejtë jetën e hetuesve dhe familjarëve të tyre. "Komisioni për Mbrojtjen e Prokurorëve ka pasur objekt të veprimtarisë vlerësimin e kërkesave të prokurorëve për mbrojtje të veçantë fizike, për shkak të kërcënimit faktik të tyre nga persona me rrezikshmëri të lartë, persona nën hetim apo të dënuar me burgime të gjata. Nga një analizë e gjendjes në lidhje me dhënien e mbrojtjes së veçantë për prokurorët e kërcënuar referuar kërkesave të tyre për vitin 2019, rezulton situata si më poshtë: Janë paraqitur para Komisionit 5 ( pesë) kërkesa për mbrojtje të veçantë nga prokurorë dhe janë dhënë nga Komisioni 5 vendime për miratimin e kërkesës për mbrojtje të veçantë të prokurorit në prokurori të ndryshme të vendit. Në vendime janë evidentuar prania e rrethanave serioze që rrezikojnë jetën, familjen dhe pasurinë e prokurorit kërkues, si dhe prania e lidhjes shkakësore ndërm
Këshilli i Lartë i Prokurorisë bëri të ditur në raport se ka përcjellë në Prokurori të Përgjithshme 38 ankesa të bërë për prokurorët, në kushtet e mungesës së ILD. Ndërkohë, përveç përcjelljes për trajtim dhe kompetencë pranë Prokuronit të Përgjithshëm të ankesave, Komisioni i Disiplinës, njofton KLP, ka kryer verifikimin dhe vlerësimin e pranueshmërisë në disa raste, të fakteve apo rrethanave të paraqitura në këto ankesa. Konkretisht, gjatë periudhës janar- dhjetor 2019, Komisioni i Disiplinës ka trajtuar gjithsej rreth 280 praktika, nga të cilat: 170 praktika janë arshivuar, pasi nuk plotësonin kriteret e pranueshmërisë të kërkesë/ ankesave; 72 praktikave i është kthyer përgjigje orientuese; 38 praktika janë përcjellë pranë Prokurorit të Përgjithshëm për verifikim të kushteve për fillimin e hetimit disiplinor, sipas nenit 160 të Ligjit për statusin; 3 prej praktikave të përcjella pranë Prokurorisë së Përgjithshme janë arshivuar, për kalim të afatit 5- vjeçar të ankimit. jet rrethanave serioze në ushtrimin e detyrës", shkruhet në raport.
VAKANCAT NË SISTEM
Problematike gjatë këtij viti sipas KLP kanë qenë dhe vakancat në prokurori. Nga raporti rezulton se në strukturën e sistemit, në të gjithë Shqipërinë janë të planifikuar për nevoja të sistemit në total 336 prokurorë. Ndërkohë, gjendja faktike e tyre rezulton 284 prokurorë deri më datë 31.12.2019. "Diferenca prej 52 prokurorësh tregon vakancat në sistem, që kanë ardhur për disa arsye, ndër më kryesoret dhe që kanë ndikuar dukshëm në pengimin e punës së prokurorive është largimi si rezultat i rivlerësimit kalimtar të magjistratëve prokurorë nga organet e KPK dhe KPA", shkruhet në raportin e Këshillit të Lartë të Prokurorisë.