MJEKËT: NËSE LOJTARËT PREKEN, LIGA NUK KA PËRGJEGJËSI

Sipas protokollit, duhet të realizohen testet edhe për mjekët e skuadrave, të cilët duhet të marrin përgjegjësi për atë që do të ndodhë në ekipet e tyre. "Marca" ka marrë mendimin e disa mjekëve. Barcelona gjithashtu ka blerë teste edhe për familjarët dhe personat që bashkëjetojnë me lojtarët. Rafael Ramos është mjeku kryesor i La Ligës dhe përgjigjet për polemikat e shkaktuara për testet dhe çështjet e tjera. "Duhet të ndryshojmë pak dhe të përshtatemi. Situata është më mirë nga ajo që prisnim. Të qëndrosh dy ditë në shtëpi të përkeqëson sistemin imunologjik, por nuk besojmë se futbollistët janë më të ekspozuar. Ata janë të kontrolluar dhe do të kontrollohen në mënyrë të vazhdueshme", tha ai. Një mjek i një ekipi në Kategorinë e Dytë spanjolle është më i drejtpërdrejtë. "Kështu nuk po shkojmë drejt rrugës së duhur, por jemi më të qetë sepse shpërndarja e sëmundjes po bie dhe ne kemi më shumë informacion. Ai nuk është i plotë, por përpiqemi që ta transmetojmë te futbollistët që të jenë të qetë. Lojtarët e mi i shoh të përgatitur mirë në aspektin fizik dhe të kujdesshëm. Sepse në fund të fundit, përgjegjësia do të jetë e imja dhe jo e La Ligës", përfundoi mjeku i një skuadre.