Komisionerja e BE në alarm për Teatrin, Meta: Veprimtari e mirëstrukturuar kriminale
Europa Nostra: Jemi për trashëgiminë kulturore të Europës
Rindezja e debatit për shembjen e Teatrit Kombëtar dhe ndërtimi në vend të tij, sipas institucioneve shtetërore një teatër të ri, ka shkaktuar reagime edhe nga ndërkombëtarët.
Komisionerja europiane për Kulturën, Mariya Gabriel, reagoi dje përmes një postimi në "Twitter", në të cilin kërkonte që të mos nxitohej nga ana e institucioneve shtetërore për të marrë një vendim të pakthyeshëm. Gabriel bëri thirrje që bashkia e kryeqytetit të dialogojë me shoqërinë civile dhe ekspertët. "Dialogu me shoqërinë civile dhe ekspertët e trashëgimisë kulturore është i domosdoshëm përpara se të merrni një vendim të pakthyeshëm për Teatrin Kombëtar", ka deklaruar Komisionerja e BE- së për Inovacionin, Kërkimin, Kulturën, Edukimin dhe Rininë, Mariya Gabriel. Qëndrimi i Komisioneres europiane u mbështet edhe nga ambasada britanike në Tiranë. Përmes një postimi në "Facebook", ambasada angleze në Shqipëri sjell në vëmendje rëndësinë e dialogut në kohë të trazuara. "Mbështesim thirrjen e Komisioneres së BE- së, Mariya Gabriel, për dialog dhe për të gjitha palët e përfshira që të japin kohën dhe hapësirën që të mund të realizohet në mënyrë kuptimplotë. Dialogu nuk është kurrë i pavlerë, veçanërisht në këto kohë të trazuara", shkruhej në reagimin e ambasadës britanike.
REAGIMI I EUROPA NOSTRA
Qarkullimi i dokumentit të Këshillit Bashkiak të Tiranës, ku ishte firmosur vendimi i shembjes së Teatrit, solli reagimin me urgjencë edhe të Europa Nostra, një organizatë europiane për mbrojtjen e monumenteve të kulturës. "Ne jemi për trashëgiminë kulturore të
Europës. Prandaj e kundërshtojmë propozimin për prishjen e paligjshme të Teatrit Kombëtar në Tiranë, një nga 7 sitet kulturore më të rrezikuara në Europë. Teatri është i mbrojtur nga legjislacioni vendës, si dhe shoqëria civile e ekspertët", shkruhej në reagimin e postuar në "Twitter". Po ashtu, mësohet se Europa Nostra ka vënë në dijeni për këtë qëndrim disa institucione dhe personalitete europiane, prej të cilave kërkohet reagim, si: David Sassoli, President i Parlamentit Europian, Maryia Gabriell, Komisionerja europiane për Kulturën, Josep Borell, përfaqësuesi i lartë i Bashkimit Europian për Politikën e Jashtme, Luigi Soreca, ambasador i BE- së në Shqipëri. Ndërkohë janë vënë në dijeni për këtë qëndrim edhe Kryeministri Edi Rama dhe kryebashkiaku i Tiranës, Erion Veliaj, të cilët po ndërmarrin veprime për shembjen e Teatrit, si dhe Aleancën për Teatrin, që është në mbrojtje të Teatrit Kombëtar. Në fillim të vitit, presidenti ekzekutiv i Europa Nostra, profesor Hermann Parzinger, i dërgoi letër Kryeministrit Rama, kryebashkiakut Veliaj dhe Presidentit Meta. Në letër, organizata deklaronte se ishte sinqerisht e shqetësuar nga planet alarmante për prishjen e Teatrit Kombëtar të Shqipërisë, një sit trashëgimie me një rëndësi të madhe kulturore dhe arkitekturore, vetëm për t'i hapur rrugë për plane zhvillimi një sipërmarrësi të madh privat. Pak ditë më parë, më 8 maj, në Fletoren Zyrtare u botua një vendim i Këshillit të Ministrave që ishte marrë po atë ditë, ku pronësia e Teatrit Kombëtar kalonte nga qeveria qendrore në atë lokale, konkretisht Bashkisë së Tiranës. Ndërkohë, në faqen zyrtare të Kryeministrisë, edhe sot nuk ka një vendim të Këshillit të Ministrave që mban datën 8 maj. Kjo ka qenë edhe arsyeja që Avokati i Popullit, pas ankesës së bërë nga Aleanca për Mbrojtjen e Teatrit, të nisë hetimin në lidhje me procedurat e ndjekura. Dy ditë më parë, Avokati i Popullit i kërkoi informacion zyrtar qeverisë për dokumentet zyrtare të mbledhjes së qeverisë më 8 maj dhe procesverbalin