Rama ironi me Bashën për vijat e kuqe: Si bojërat e fëmijëve që i lan uji i parë

“S’vendos dot një parti politike vija të kuqe për kompetenca ekskluzive që i jep Kushtetuta qeverisë qendrore apo vendore”

Kryeministri Rama i krahasoi me bojëra uji të fëmijëve vijat e kuqe që kreu i opozitës vendosi pas prishjes së Teatrit. Rama tha dje se një parti politike nuk mund të vendosë vija të kuqe, e, sidomos, për çështje si Teatri që janë kompetencë ekskluzive e qeverisë.

Duke komentuar paralajmërimin e kreut të opozitës, Lulzim Basha, që shembja e Teatrit ishte kalimi i vijës së kuqe, në një lidhje me “News24”, Rama tha se “alternativa që unë do fitoj zgjedhjet e do ta rindërtoj siç ishte, është e pranueshme, ta paraqesë para popullit, të marrë votat e, nëse i merr, ta mbajë fjalën siç e ka mbajtur zakonisht fjalën kur ka qenë në drejtim, kjo është normale. Tani kemi opsionin ta rindërtojmë siç ishte, kjo është puna e tyre. Sa për ngjyrën e vijave, meqë e kam dhe zanat të vërtetë e të përhershëm, këto të kuqet, blutë e të verdhat, janë si bojërat e fëmijëve që uji i parë i merr me vete. Nuk vendos dot një parti politike vija të kuqe për kompetenca ekskluzive që i jep Kushtetuta qeverisë qendrore, vendore apo dhe Parlamenti. Vija të kuqe mund të vendosin për reforma, kur dhe partitë kanë pjesëmarrjen e të drejtën e tyre, por që të vënë vija të kuqe se çfarë duhet të bëjë e s’duhet të bëjë qeveria, kjo nuk ndodh në asnjë vend të botës. Ndaj duhet menduar mirë kur vihen vijat e kur i vihen ngjyrat se i merr uji i parë pastaj”, u shpreh Rama.

PRESIDENTI Teksa u pyet për padinë që Presidenti Ilir Meta ka depozituar në Gjykatën Kushtetuese, kreu i qeverisë theksoi se: “Nuk flas asnjëherë me ‘ nëse’. Gjykata Kushtetuese diskuton dhe flet mbi kompetenca kushtetuese. Nuk di që të ketë ndonjë kompetencë urbanistike apo ekzekutive të natyrës zhvillimore. S’di ndonjë institucion tjetër. Nuk di ndonjë konflikt me asnjë institucion jashtë ekzekutivit ku ne i kemi përfshirë nga pikëpamja administrative. Nga pikëpamja politike, është një gjë tjetër. Nuk dua të polemizoj me zotin President”, tha Rama. Kreu i qeverisë hodhi poshtë akuzat për përdorim dhune gjatë tubimit të shoqërisë civile. “S’ka asgjë pa u ekzekutuar mirë, të gjithë shumë mirë sipas procedurave, fakti që godina e Teatrit u uzurpua për 2 vjet e gjysmë nga një grup njerëzish artistë ose jo, kjo nuk bën diferencë e jo nga gjithë komuniteti teatror, me figurantë të partive politike, shteti s’mund të mendojë se mos po provokohen uzurpatorët e godinës. Në atë institucion, shteti s’ka pasur asnjë kontroll, e ai institucion shtetëror është menaxhuar nga një grup uzurpatorësh, pikërisht për të mos krijuar konflikt e për të mos krijuar përplasje e për të mos shkuar në veprimin final pa i bindur dhe ata është harxhuar 2 vjet e gjysmë. Është krijuar bindja që ai grup njerëzish që u barrikadua për ta mbrojtur, është, në fakt, një grup njerëzish që nuk duan të dëgjojnë, s’duan të dialogojnë e rishikojnë pozicionin e tyre, s’duan t’i bashkëngjiten pjesës tjetër të komunitetit teatror, i cili e nisi me një protestë e u ul në tryezë e sot kërkon si shumica dërrmuese e shqiptarëve një teatër të ri. Meqë të gjitha u ezauruan, erdhi momenti për t’i hapur rrugë teatrit të ri. Se u bë në atë moment, kurdo që të bëhej, do ndodhte e njëjta gjë”, tha Rama. NDËRKOMBËTARËT Kryeministri Rama shkroi

Biseda të mira sot me miq ndërkombëtarë jashtë vendit, për të përmbysur me fakte kështjellën e baltës së eksportuar nga prodhuesit e shpifjeve për godinën e shembur dhe ngjarjet rrotull saj! Gënjeshtra vrapon më shpejt se e vërteta, po këmbët e shkurtra e lënë në mes të rrugës

dje se ka pasur komunikime me miq ndërkombëtarë brenda dhe jashtë vendit për të sqaruar situatën e krijuar pas prishjes së Teatrit Kombëtar. Rama shkruan në “Twitter” se ka diskutuar “për të përmbysur me fakte kështjellën e baltës së eksportuar nga prodhuesit e shpifjeve për godinën e shembur”. Kryeministri deklaron gjithashtu se ka rënë dakord për të adresuar menjëherë domosdoshmërinë e finalizimit të Reformës Zgjedhore. “Biseda të mira sot me miq ndërkombëtarë jashtë vendit, për të përmbysur me fakte kështjellën e baltës së eksportuar nga prodhuesit e shpifjeve për godinën e shembur dhe ngjarjet rrotull saj! Gënjeshtra vrapon më shpejt se e vërteta, po këmbët e shkurtra e lënë në mes të rrugës. Biseda të mira edhe me miqtë ndërkombëtarë në Tiranë dhe dakordësi e plotë për të parë përpara të gjitha bashkë, duke adresuar menjëherë domosdoshmërinë e finalizimit të Reformës Zgjedhore, me të gjithë gatishmërinë tonë për përmbushjen e rekomandimeve të OSBE/ ODHIR- it”, shkruan Rama në statusin e tij në “Twitter”.