Berisha dhe SPAL marrin përgjigjet e tamponëve

Etrit Berisha për fat nuk është i prekur nga koronavirusi. Kjo përgjigje negative ka ardhur për portierin e Kombëtares, pasi skuadra e SPAL- it i është nënshtruar kryerjes së testeve për të gjithë futbollistët dhe të gjithë anëtarët e stafit. Skuadra e cila po lufton për të siguruar mbijetesën në Serinë A, ka marrë përgjigje negative për të gjithë lojtarët dhe anëtarët e stafit, pasi janë testuar për koronavirusin. Portieri kuqezi dhe të gjithë lojtarët e SPAL- it janë duke u stërvitur individualisht nën masa të rrepta dhe ende pa nisur që të kryejnë stërvitje të bashkuar në grup. Etrit Berisha, pavarësisht faktit se skuadra e tij renditet në fund të tabelës është portieri me numrin më të madh të pritjeve në Serinë A.