Kush janë kandidatët më të propozuar për zgjedhjet në Shkodër
Gazeta “Panorama” ka arritur që të sigurojë listën e plotë të propozimeve të PD- së dega Shkodër të kandidatëve për deputetë dhe kryetar bashkie. Kjo listë, tashmë zyrtare, përbëhet në total nga 150 emra që kanë ardhur si të propozuar nga baza. Ndër 150 veta, ka një listë me 11 emra që janë ndër më të propozuarit në më shumë se 20 grupseksione, nga 38 që ka PD- ja në Shkodër. Ndër 11 më të propozuarit, sipas rendit alfabetik, janë Arben Lushaj, ish- deputeti Bardh Spahia, Benardeta Syku ( nënkryetare e FRPD- së), nënkryetarja e PD- së Shkodër dhe ish- kryetare e Këshillit të Qarkut Greta Bardeli, ish- deputeti Helidon Bushati ( aktualisht anëtar i Komisionit të Autoritetit të Konkurrencës), ish- deputetja Izmira Ulqinaku, Ndoc Ashta, ish- deputeti më përpara dhe ish- kryetar i PD- së Shkodër Ramiz Çobaj, ish- deputeti Romeo Gurakuqi, kryetarja në detyrë e Bashkisë Shkodër Voltana Ademi dhe ish- kryetari i Këshillit Bashkiak të Shkodrës Xhemal Bushati. Në listën e më të propozuarve mungon ish- deputeti dhe ish- kryetari i Bashkisë, Lorenc Luka, por është në listën e përgjithshme me 150 emra. Ndërkohë në listën totale me 150 propozime ka disa emra të cilët kanë tërhequr vëmendjen. Pjesë e propozimeve tashmë siç dihet është Jozefina Topalli, ish- deputete dhe ishkryetare e Parlamentit në 8 vite, por edhe ish- nënkryetare e PD- së, një prej zërave më kritik ndaj liderit të PD- së, Lulzim Basha.