Bardhi: Koordinatorët të respektojnë afatet e caktuara
Sekretari i Përgjithshëm i Partisë Demokratike, Gazment Bardhi, i cili është deleguar nga kryesia për të drejtuar procesin e identifikimit, seleksionimit dhe përzgjedhjes së kandidatëve për deputetë dhe kryetarë bashkish, ka kërkuar nga koordinatorët që të respektojnë afatet. Burime për gazetën “Panorama” bënë me dije se afati i fundit për koordinatorët për të dorëzuar në PD procesverbalet e propozimeve ka qenë 30 korriku, por disa prej tyre nuk kishin mbyllur procesin e fazës së parë. Ndërkohë, për të mos penguar edhe fazën e dytë që nis sot në komisionin e seleksionimit, numri dy u ka kërkuar koordinatorëve që të depozitojnë pranë sekretarit organizativ sa më shpejt dosjet e mbyllura. Mësohet se vonesa më shumë ka pasur në kryeqytet.