Menaxhimi i mbetjeve, Klosi: Ai që ndot, të paguajë!
“Mbetjet urbane, krim mjedisor. E kemi futur në Kod Penal”
Ata që ndotin duhet të paguajnë më shumë. Këtë e parashikon legjislacioni i Bashkimit Europian dhe pikërisht këtë po tenton të bëjë edhe vendi ynë, si kushtin e radhës për t’u integruar. Me këtë fokus u zhvillua dje një konferencë e Ministrisë së Turizmit me ekspertët ndërkombëtarë. “Për të vendosur mekanizma, sisteme të cilat BE- ja ka vite që i implementon dhe ka vite që i ka busull dhe i ka situata të panegociueshme, ai që ndot do të duhet të paguajë, ai që i shkakton mbetjet do të duhet të ketë edhe përgjegjësinë e menaxhimit të këtyre mbetjeve dhe natyrisht duhet të kemi një sistem shumë të fortë në rregulla, ligje, zbatimi i këtyre ligjeve
Që prej korrikut të vitit të shkuar BE- ja ka nisur një fushatë e quajtur “Europa është këtu”. Të njëjtin mesazh përmendi ambasadori Soreca, i cili premtoi mbështetjen e tij. “Me financimet tona që do të vijnë për të gjitha shtetet, do të kalohet në hapin e radhës ku do të investojnë në menaxhimin e integruar të mbetjeve. Ekonomia qarkulluese është një ndihmë për mjedisin dhe ripërtëritjen ekonomike. Menaxhimi i mbetjeve bëhet vetë si një biznes fitimprurës ku për ekonominë gjeneron vende të reja pune”. dhe penalitete”, vuri në dukje Klosi, i cili pasi foli për arritje si ajo e kthimit të trashëgimisë së vjetër natyrore të malit të Tomorrit a Krujës, pranoi se trajtimi i ndotjes si krim mjedisor e si i tillë ndiqet penalisht, në Shqipëri nuk ka funksionuar. “E kemi futur si krim mjedisor te ndryshimet e fundit të Kodit Penal me mbështetjen që na ka ardhur nga mbështetja e projektit të BE. Një debat i madh i vjetër për të sjellë hedhjen e mbeturinave si ndjekje penale, por a ka vepruar ky në realitet. Kjo padyshim është një mangësi, me të cilën ne duhet të diskutojmë dhe të flasim shumë herë”, deklaroi Klosi përpara ambasadorëve të Bashkimit Europian, Luigji Soeca dhe ajo e Suedisë, Elsa Hastat duke kërkuar t’i bindë se pavarësisht pandemisë, puna për menaxhimin e mbetjeve nuk është ndalur. BE ka si prioritet të saj për Ballkanin Perëndimor mjedisin dhe ndryshimet klimatike në përputhje me këtë është miratuar dhe Axhenda e Gjelbër për Ballkanin Perëndimor, në bazë të së cilës ndërmerren të gjitha hapat si në fushën e legjislacionit dhe në fushën e investimeve konkrete.