Pezullimi i Trump nga rrjetet sociale, reagon Merkel

Demokratët e Kongresit amerikan nisën të hënën një përpjekje të dytë për të detyruar Presidentin Donald Trump të largohet nga posti, duke paraqitur akuzën për “Nxitje rebelimi”, në lidhje me sulmin e dhunshëm ndaj Kapitolit, të mërkurën e kaluar.

Kryetarja e Dhomës së Përfaqësuesve, Nancy Pelosi, propozoi votimin e një rezolute të martën, për t’i vendosur një afat 24 orë nënpresidentit Mike Pence për të thirrur Artikullin 25, ku Presidenti shkarkohet duke u cilësuar i paaftë për të kryer detyrën. Me nismën e dytë të demokratëve, Trump bëhet i vetmi President në historinë e Shteteve të Bashkuara që fajësohet dy herë dhe hetohet në Kongres. KUNDËRSHTIMI I REPUBLIKANËVE Të dielën, Pelosi shkroi se “në mbrojtje të Kushtetutës sonë dhe të demokracisë sonë, ne do të veprojmë me urgjencë, sepse ky President përfaqëson një kërcënim të drejtpërdrejtë për të dyja këto”. Por përfaqësuesit republikanë në Dhomë nuk janë pajtuar me këtë. “Dhoma e Përfaqësuesve nuk duhet të miratojë kurrë një rezolutë që kërkon heqjen e një Presidenti të zgjedhur në mënyrë të rregullt, pa seanca dëgjimore, debat ose votim të regjistruar”, tha anëtari republikan i Dhomës së Përfaqësuesve, Alex Mooney. Të hënën, republikanët bllokuan një përpjekje për të shqyrtuar një rezolutë që i bënte thirrje zëvendëspresidentit Mike Pence të aktivizonte Amendamentin 25 të Kushtetutës, i cili parashikon heqjen e një Presidenti kur ai është i paaftë për të kryer detyrat. Dhoma e Përfaqësuesve pritet të votojë të martën mbi rezolutën që bën thirrje për përdorimin e Amendamentit 25. Pence dhe republikanët e tjerë nuk kanë treguar shumë interes për përdorimin e amendamentit në fjalë. Në një deklaratë me video pas sulmit, Trump pranoi se një administratë e re do të merrte detyrën më 20 janar, por nuk

Rrjetet gjigante sociale “Twitter” dhe “Facebook” kanë pezulluar llogaritë e Presidentit Donald Trump, duke përmendur rrezikun se ai mund të nxisë dhunë. “Twitter” ia pezulloi përgjithmonë llogarinë Presidentit në largim. Mes zërave që e kanë dënuar këtë vendim është edhe Kancelarja gjermane, Angela Merkel, e cila e ka quajtur “problematik” këtë vendim të kompanisë, duke theksuar se e drejta e opinionit është një e drejtë themelore e çdo njeriu. është shfaqur në publik. PËRGATITJET PËR EPISODE TË TJERA DHUNE FBI-ja ka paralajmëruar për episode të tjera të mundshme dhune në 50 shtete amerikane, duke nisur nga kjo javë e deri në ditën e inaugurimit të Presidentit Joe Biden, të cilat do të kryhen nga mbështetës të Presidenti Donald Trump. Protesta pritet të mbahen përsëri edhe në Kapitolin e SHBA-së, sipas një buletini të brendshëm të

FBI-së, të siguruar nga “ABC News”. FBI-ja ka marrë gjithashtu informacion në ditët e fundit mbi një grup që bën thirrje për mësymje në gjykata shtetërore, lokale dhe federale, si dhe ndërtesa administrative, në rast se Presidenti

Donald Trump hiqet nga detyra para Ditës së Përurimit. Grupi po planifikon gjithashtu të sulmojë zyrat qeveritare në çdo shtet ditën kur Presidenti i zgjedhur Joe Biden do të inaugurohet. Sipas buletinit të FBI-së, “ata kanë paralajmëruar që nëse Kongresi përpiqet të heqë Presidentin përmes Amendamentit 25, një kryengritje e madhe do të ndodhë”. FBIja ka marrë rreth 45,000 sinjalizime dixhitale, të cilat po shqyrtohen.