MARRËVESHJA
Partia më e madhe në opozitë, PD-ja, hedh hapin e parë për të zyrtarizuar marrëveshjen e koalicionit.
Partia e parë me të cilën PD ka dakordësuar një marrëveshje parimore, por jo të shkruar, është Partia Agrare Ambientaliste, kryetari i së cilës, Agron Duka, ka qenë ministër në qeverinë e majtë dhe prej disa vitesh është në opozitë dhe dogji mandatet së bashku me PD-në. Agron
Duka bëhet i pari që siguron kandidaturën e tij në listën e PD-së, por jo vetëm kaq, ai ka marrë edhe një siguri më tepër që emri i tij të jetë në tri vendet e para në qarkun e Durrësit, ndërsa do të ketë edhe kandidatë të tjerë në 11 qarqet e mbetura. Por diferenca është që kandidatët e tjerë në 11 qarqe nuk do të jenë në atë që konsiderohet vija fituese, duke iu referuar zgjedhjeve pararendëse. Megjithatë, ndryshimet në Kodin Zgjedhor i japin mundësinë që në fletën e votimit të votohet edhe kandidati preferencial, pra nëse kandidatët e PAA-së kanë mbështetje të madhe, edhe nëse janë poshtë vijës fituese të zgjedhjeve pararendëse, mund të sigurojnë një vend në Parlament. Në një reagim për gazetën “Panorama” pas arritjes së marrëveshjes, Duka tha se nuk kishte ngelur plotësisht i kënaqur, por pranoi që në politikë dikush lëshon. “Marrëveshja u arrit pas shumë diskutimesh. Nuk është se jam shumë i kënaqur nga arritja e këtyre negociatave. Unë mendoj që mbështetja elektorale e PAA-së siguron dy vende, por kështu mendoi pjesa kryesore e PAA-së, që duhet të lëshojë gjithsecili nga pak, në mënyrë që të kishim negociata përfundimtare në leverdi të bllokut opozitar”, u shpreh Duka.
RISIA Por ajo që tërhoqi vëmendjen ditën e djeshme në marrëveshjen e arritur mes PD-së dhe PAA-së është filozofia politike. Tradicionalisht, PDja ka firmosur marrëveshjen e koalicionit të parë me Partinë Republikanë, me PLL-në, me Ballin apo parti të cilat kanë qenë historikisht pranë së djathtës. Por për zgjedhjet e 2021-shit, marrëveshja e parë e PD-së është arritur me Agron Dukën, kryetar i PAA-së. Duka e ka nisur karrierën e tij politike me Partinë Socialiste. Në vitin 2001 ai është emëruar prefekt i Durrësit, ndërsa më pas u bë edhe ministër i
Sot grupi negociator në PD, i kryesuar nga Gazmet Bardhi, Edi Paloka dhe Alfred Rrushaj, pritet që të mbyllë marrëveshjen e koalicionit edhe me PDKnë të Nard Ndokës. Ndërsa mbetet ende pa u dakordësuar Partia Republikane, PDIU-ja dhe PBDNJ-ja e Vangjel Dules. Burime pranë selisë blu bëjnë me dije se brenda kësaj jave opozita pritet të mbyllë marrëveshjen për koalicionin e zgjedhjeve të ardhshme, ndërsa ende nuk dihet se kur do të firmoset marrëveshja për bashkëpunim para- dhe pas-zgjedhor.
Bujqësisë me qeverinë e Nanos. Duka ka bashkëpunuar me PS-në edhe gjatë kohës që maxhoranca e sotme ka qenë në opozitë, madje bashkë përgatitën edhe programin e PS-së. Por më vonë kreu i PAA-së shkëputi bashkëpunimin me Kryeministrin aktual dhe prej disa vitesh është në koalicion me PD-në. Duka pranoi që së bashku me deputetët e selisë blu dy vite më parë të digjte mandatin e deputetit dhe më pas, së bashku me partinë kryesore në opozitë, kanë zhvilluar 11 protesta kombëtare ku ka pasur pjesëmarrje të lartë qytetarësh.
FORMULA E KOALICIONEVE Në zgjedhjet parlamentare nga të cilat na ndajnë pak më shumë se 3 muaj, kampi opozitar do të shkojë me dy lista koalicionesh. Një listë do të përbëhet nga kandidatët e PD-së dhe kandidatët e partive të tjera të vogla, PR, PAA, PDK, LZHK,PBDNJ e PDIU. Ndërsa lista tjetër do të ketë kandidatët e Lëvizjes Socialiste për Integrim. Por pritet që të gjitha palët në kampin opozitar të firmosin një marrëveshje bashkëpunimi para dhe pas zgjedhjeve. Opozita është e detyruar të shkojë në zgjedhjet e 25 prillit thuajse me të njëjtën skemë si në zgjedhjet e 2017-ës. Kjo pasi në tetor Parlamenti miratoi pa konsensusin e opozitës së bashkuar ndryshimet në Kushtetutë që imponuan edhe më pas ndryshime në ligjin zgjedhor, të cilat ndalonin formulën e koalicionit siç ka funksionuar deri në zgjedhjet e fundit. Aktualisht partitë në koalicion nuk mund të dalin me lista të ndryshme, por duhet të bashkojnë emrat.