HAPAT PËR SECILËN NGA DY SKEMAT E KOMPENSIMIT
Për skemën e kompensimit financiar dhe fizik në raportin 20 për qind nga fondi financiar dhe 80 për qind nga fondi fizik
Dokumentacioni i nevojshëm
• Deklaratë noteriale, e nënshkruar nga subjekti i shpronësuar/përfaqësuesi me prokurë i të gjithë trashëgimtarëve ligjorë të subjektit të shpronësuar, përmes së cilës subjektet vetëdeklarojnë nëse vendimi përfundimtar i kompensimit apo vlerësimi i tij është ankimuar apo jo në rrugë gjyqësore. • Deklaratë noteriale, e nënshkruar nga subjekti i shpronësuar/përfaqësuesi me prokurë të të gjithë trashëgimtarëve ligjorë të subjektit të shpronësuar, përmes së cilës subjektet vetëdeklarojnë nëse kanë përfituar apo jo nga dispozitat e ligjit për ndarjen e tokës bujqësore si dhe nëse kanë përfituar kompensim fizik për vendimin me të cilin aplikojnë. • Dëshmi trashëgimie nëse ka ndryshuar rrethi i trashëgimtarëve. • Prokurë e nënshkruar nga të gjithë trashëgimtarët e ligjshëm, ku si tagër i nevojshëm të jetë dhe e drejta për të tërhequr vlerën financiare, në emër të tyre. • Konfirmimin nga ASHK-ja përkatëse mbi gjendjen juridike të pronës që kompensohet dhe nëse është ushtruar apo jo e drejta e parablerjes. • Vërtetim për numrin e llogarisë bankare. • Mandat-pagesë.
Hapat e procedurës
Identifikohuni si qytetar në portal; zgjidhni shërbimin "Aplikim për kompensim financiar dhe fizik"; klikoni butonin "Përdor"; plotësoni formularin elektronik me të dhënat e nevojshme dhe ngarkoni dokumentet e specifikuara; klikoni butonin "Dërgo" në faqen e fundit të formularit; punonjësi i institucionit merr në trajtim aplikimin e dërguar. Në varësi të vendimit që merret, aplikanti lajmërohet nëpërmjet adresës e-mail për miratimin apo refuzimin e aplikimit.
Kostot
Kostoja e aplikimit - 2000 lekë, sipas mandat-pagesës përkatëse.
Aplikim për kompensimin e pronave me kërkesë të veçantë
Ky shërbim u mundëson qytetarëve të aplikojnë online për të përfituar vetëm kompensim financiar në masën 20%, 30% ose 40% të vlerësimit të vendimit, që u ka njohur të drejtën për kompensim të pronës dhe njëkohësisht duke hequr dorë nga pjesa tjetër e këtij vlerësimi.
Dokumentacioni i nevojshëm
• Deklaratë noteriale e nënshkruar nga subjekti i shpronësuar/përfaqësuesi me prokurë, përmes së cilës subjektet vetëdeklarojnë nëse vendimi përfundimtar i kompensimit apo vlerësimi i tij është ankimuar apo jo në rrugë gjyqësore, si dhe nëse këto subjekte kanë qenë apo jo të paditur apo persona të tretë në proceset gjyqësore me objekt ankimimin e vendimit për të cilin aplikojnë. • Deklaratë noteriale e nënshkruar nga subjekti i shpronësuar/përfaqësuesi me prokurë i të gjithë trashëgimtarëve, përmes së cilës subjektet vetëdeklarojnë nëse kanë përfituar apo jo nga dispozitat e ndarjes së tokës bujqësore, si dhe nëse kanë përfituar kompensim fizik për vendimin për të cilin po aplikon. • Dëshmi trashëgimie, nëse ka ndryshuar rrethi i trashëgimtareve. • Prokurë e nënshkruar nga të gjithë trashëgimtaret e ligjshëm ku si tagër i nevojshëm të jetë e drejta për të tërhequr vlerën financiare në emër të tyre, si dhe e drejta për të aplikuar për kompensim financiar me kërkesë të veçantë, për 20%, 30% ose 40% të vlerës financiare, duke hequr dorë nga pjesa tjetër • Konfirmimin nga ASHK përkatëse mbi gjendjen juridike të pronës që kompensohet dhe nëse është ushtruar apo jo e drejta e parablerjes. • Vërtetim për numrin e llogarisë bankare. • Mandat-pagesë.
Hapat e procedurës
Identifikohuni si qytetar në portal; zgjidhni shërbimin "Aplikim për kompensim financiar dhe fizik"; klikoni butonin "Përdor"; plotësoni formularin elektronik me të dhënat e nevojshme dhe ngarkoni dokumentet e specifikuara; klikoni butonin "Dërgo" në faqen e fundit të formularit; punonjësi i institucionit merr në trajtim aplikimin e dërguar. Në varësi të vendimit që merret, aplikanti lajmërohet nëpërmjet adresës e-mail për miratimin apo refuzimin e aplikimit.