OPOZITA, KUNDËR
Presidenti i Republikës së Maqedonisë së Veriut, Stevo Pendarovski, ka dekretuar ligjin për regjistrimin e popullsisë, të miratuar nga Kuvendi i Maqedonisë së Veriut. Pas 19 vitesh, në vendin fqinj do të kryhet regjistrimi i popullsisë. Tashmë Enti Shtetëror i Statistikave duhet të miratojë metodologjinë për realizimit e këtij operacioni statistikor, në përputhje me standardet dhe rekomandimet e "Eurostat". Regjistrimi i popullsisë në Maqedoninë e Veriut është paparaparë që realizohet nga 1 deri më 20 prill të këtij viti. Regjistrimi i fundit i popullsisë është zhvilluar në vitin 2002. Pendarovski kishte theksuar se ligji duhet të ketë mbështetjen e të gjitha partive
Opozita maqedonase nuk ka votuar miratimin e ligjit. VMRO-DPMNE-ja e kundërshton me forcë ligjin për regjistrimin, sepse ky proces nuk do të jetë një operacion statistikor, por një operacion politik dhe për rezultatin e këtij regjistrimi apo përqindjet e popullatës, partitë në pushtet tanimë kanë rënë dakord", ka deklaruar Timçe Mucunski, deputet i partisë maqedonase në opozitë, VMRO-DPMNE. politike. "Nga të gjithë faktorët relevantë politikë duhet të ketë deklarata të qarta se ky proces do të jetë vërtet statistikor dhe jo politik dhe kushdo që të vijë më pas në pushtet të mos e kontestojë procesin apo ta ndryshojë Kushtetutën, e kështu me radhë. Por deri më tani pajtueshmëri të tillë nga partitë nuk kemi", tha Presidenti. Përplasjet kryesore mes partive maqedonase kanë të bëjnë me dyshimet e VMROsë për numrin e shqiptarëve që jetojnë në Maqedoninë e Veriut. Opozita maqedonase në vazhdimësi ka kontestuar faktin se shqiptarët përbëjnë 25.17 për qind të popullatës prej dy milionë banorësh. Në Kushtetutë, shqiptarët definohen si popull që flet gjuhë të ndryshme nga maqedonishtja dhe që përbën mbi 20 për qind të popullatës. Mbi këtë bazë përqindjeje janë përcaktuar të drejtat gjuhësore, të simboleve, të punësimit, të përfaqësimit, të drejtat kulturore etj. Partitë në pushtet i hedhin poshtë pretendimet e opozitës për "kurdisjen" e regjistrimit.