Rama, fushatë me vaksina: Nuk kam premtime se s’jemi KÇK. Basha: Është kthyer në satelitin tim,japlanii PD përekonominë
PERBALLJA TELEVIZIVE E DY LIDEREVE, KRYEMINISTRI INSISTON VETEM TE VAKSINIMI. KREU I OPOZITES FLET PER ANETARESIM NE BE DHE TAKSAT
Presidenti i Republikës, Ilir Meta, tri javë përpara mbajtjes së zgjedhjeve parlamentare të 25 prillit, ka pritur në një takim drejtuesen e Misionit të Vëzhgimit të OSBE-ODIHR, ambasadoren Ursula Gacek.
Pas takimit me ambasadoren Gacek, kreu i shtetit ka deklaruar se midis dy institucioneve do të ketë një bashkëpunim të rëndësishëm për të siguruar paprekshmërinë e votave të shqiptarëve në këto zgjedhje. Përmes një mesazhi në “Facebook”, Meta u shpreh se mbetet i angazhuar që së bashku me ndërkombëtarët do të ndalohet me të gjitha kushtet ajo që Presidenti e cilësoi si presioni i krimit dhe shantazhi mbi qytetarët për të minuar zgjedhjet dhe shkatërroi demokracinë. “Prita sot, me kërkesën e saj, ambasadoren Ursula Gacek, e cila drejton Misionin e Vëzhgimit të OSBE/ODIHR për zgjedhjet e përgjithshme të 25 prillit 2021. I përcolla drejtueses së Misionit, vendosmërinë dhe përkushtimin tim të palëkundur për të garantuar, që qytetarët të shprehin lirshëm dhe pa u cenuar, vullnetin e tyre të plotë në votim. Theksova se, do të ndalim me çdo kusht dhe mjet, që presioni i krimit dhe shantazhi mbi qytetarët të minojë zgjedhjet, të shkatërrojë demokracinë dhe të ardhmen europiane. E informova ambasadoren dhe kryetaren e Misionit të Vëzhgimit të OSBE/ODIHR, për nismën time transparente për mbrojtjen e zgjedhjeve të 25 prillit, duke iu krijuar mundësinë të gjithë qytetarëve të denoncojnë me kurajë dhe pa hezitim të gjitha presionet, shkeljet dhe parregullsitë, që synojnë tjetërsimin e vullnetit të tyre. Shpreha gatishmërinë për bashkëpunim të plotë për të siguruar paprekshmërinë e zgjedhjeve dhe të vullnetit të sovranit”, shkruan Meta.
ZGJEDHJET Presidenti Ilir Meta, i ftuar në emision “Log” në televizionin “ABC” ka folur për një sërë çështjesh të rëndësime nga zgjedhjet, Reforma në Drejtësi dhe procesi i vaksinimit. “Më i rëndësishëm është procesi zgjedhor dhe jo rezultati i zgjedhjeve. Qëndrimet e mia kanë interes vetëm vendosjen e legjitimitetit të plotë të të gjitha institucioneve. Për mua nuk është e rëndësishme se kush fiton zgjedhjet, por që zgjedhjet të jenë një mundësi historike për vendin për t’u shkëputur nga kjo pengmarrje, nën shembullin e dosjeve të Shijakut dhe Dibrës. Në këto zgjedhje ndikimi i ndërkombëtareve do të jetë zero. Shqiptarët do vendosin vetë për fatin dhe të ardhmen e tyre. Po i paralajmëroj, nëse prekin apo dhunojnë votat, se mbi 2 milionë shqiptarë do jenë para qendrave të votimit për të mbrojtur votën. Telefoni i Presidentit do të jetë i hapur për të gjithë shqiptarët. Në 25 prill, ekipi i Presidentit do jetë në terren, në çdo qendër votimi. Askush të mos guxojë të prekë dhe të cenojë një votë, se ndëshkimi do jetë shembullor dhe spektakolar. Barazia para ligjit ka në themel barazinë para votës. Nëse mafia ndërkombëtare kërkon dhe guxon ta marrë me luftë Shqipërinë, atëherë të jenë të qartë: luftë do të këtë dhe me luftë do t’i përgjigjemi, flakë për flakë. Në demokraci duhet të luftosh në mënyrë demokratike deri në fund. Kandidati i 17-të i PS-së në listën e Tiranës duhet të ishte sot në burg, i përfshirë në aferën skandaloze të inceneratorëve. E kanë vendosur para edhe Pandeli Majkos, se ai person është vendosur aty për të blerë zgjedhjet”, tha Meta.
ARDIAN DVORANI “Presidenti nuk e llogarit fare mafien ndërkombëtare, nuk pyet për asnjë njeri në botë. Vetëm për Kushtetutën. Ilir Meta nuk pyet për horrat dhe gangsterët, nuk pyet për mafien ndërkombëtare dhe as për diplomatë të korruptuar. Duhet të jenë shumë të kujdesshëm me Shqipërinë dhe shqiptarët. Secili është zot në shtëpinë e vetë. Do bëhet çdo gjë sipas Kushtetutës së Shqipërisë. Madje edhe sot kam një paralajmërim të prerë për ta e në veçanti për mafien ndërkombëtare, të bëjnë kujdes sepse Shqipëria nuk është një vend eksperimental. Kush e di vendin tonë eksperimental do ketë përgjigje. Nuk do të jetë më një shtet ambasadash dhe horrash që tallen me
Shqipërinë. Ata që kanë shkelur Kushtetutën e kanë vendin në burg. Për bashkëpunëtorët që janë vendas dhe të huaj. Turp të kenë ata të korruptuar që bashkuan me Edi Ramën dhe bllokuan Gjykatën Kushtetuese. I dhanë pushtet një gangsteri si Edi Rama. Dvorani është dhunues i Kushtetutës. Në bashkëpunim me Edi Ramën dhe me disa ndërkombëtar. Ardian Dvorani do shkojë në burg. Do dalin me “sms” dhe me “e-mail” që ka. Ne e dimë sa u pagua për të takuar Bilalin. E dimë që paguhet. Nuk kam asnjë lidhje me DASH-in. Nëse Amerika na thotë jeni mirë me një parti shtet, do i themi faleminderit, por do të vazhdojmë rrugon tonë për demokracisë. Unë besoj tek Amerika, te vlerat e saj, sepse SHBA-në e shohim si simbol të lirisë dhe demokracisë. Gjykata Kushtetuese
është vija e kuqe. Në Kushtetutë unë kam vënë zemrën dhe gjakun tim, nuk jam betuar thjeshtë me dorë”, tha Meta.
VAKSINIMI Vaksinimi i popullsisë nuk është çështje elektorale, qeveria ka për të detyrë t’i sigurojë ato, se me lekët e popullit shqiptar blihen. Qeveria ka për të detyrë të garantojë sigurinë e çdo doze, e cila duhet të jetë e certifikuar më standardet ndërkombëtare. Qeveria ka për detyre të sigurojë vaksinat për të gjithë popullatën dhe të mos ta kthejë këtë shqetësim në një çështje elektorale. E rëndësishme është siguria e çdo doze vaksine që po përdoret për popullin. Për mua mbetet prioritet siguria e jetës dhe shëndeti i qytetarëve.
Dvorani është dhunues i Kushtetutës. Në bashkëpunim me Edi Ramën dhe me disa ndërkombëtarë. Ardian Dvorani do shkojë në burg. Do dalin me “SMS” dhe me “e-mail” që ka. Gjykata Kushtetuese është vija e kuqe. Në Kushtetutë unë kam vënë zemrën dhe gjakun tim, nuk jam betuar thjesht me dorë