Prof. dr. Boçari: Mundësi për ata që duan një diplomë të certifikuar
Profesorë të njohur, që kanë kontribuuar në vite në mjekësi, sikundër edhe të rinj shumë të talentuar me specializime brenda dhe jashtë vendit, i janë bashkuar rishtazi një prej universiteteve më të mira private, “Luarasi”, me akreditimin maksimal të fituar nga ekspertët e huaj. Një prej tyre është prof. dr. Gëzim Boçari, i cili e cilëson Fakultetin e ri të Shkencave Mjekësore, një urë që po ndërtohet, me të njëjtin standard si tri fakultetet e tjera në “Luaras”. “Infermieria është dega më e kërkuar. Ambientet e fakultetit janë shumë të mira, personeli në kuptimin akademik është më i miri. Kanë shansin të gjithë ata që duan të diplomohen në Infermieri, të marrin një diplomë të certifikuar, të njohur kudo. Po aq e nevojshme është dhe Stomatologjia, që jemi deficitarë. Kurrikula e fakultetit që ofrohet është e përmirësuar dhe bashkëkohore. Është në konkurrencë mes privatit dhe shtetërorit. Duhet falënderuar kompania që e ka hapur këtë mundësi dhe plotëson një mangësi të shërbimit në vend”, nënvizon profesori, teksa shton se edhe ana infrastrukturore është e plotë dhe e modernizuar, me laboratorë dhe të gjitha mjetet për të diplomuar profesionistë të zotë në tregun e punës. Profesor Boçari shton se struktura është ajo e shtetërorit shumë vite më parë, por e përmirësuar. “Të gjithë mjekë e farmacistë në Shqipëri më njohin sepse kam dhënë lëndën e Farmakologjisë. Të gjithë ata që më njohin, të rekomandojnë njerëzit e tyre që të kenë preferencë të parë Universitetin ‘Luarasi’, sepse do të kenë gjithçka që duhet”, apelon profesori i njohur.