Berisha: Basha sot është në armiqësi totale me demokratët
Ish-kryeministri rikthehet në seli një ditë pas protestës: Edi Rama me Lulzim Bashën janë dy armiqtë më të egër të PD
Ish-kryeministri Sali Berisha deklaroi dje se kreu i Pd-së, Lulzim Basha, dhe Kryeministri Edi Rama janë në armiqësi totale me anëtarësinë dhe demokratët pas asaj që bënë ndaj tyre në protestën e 8 janarit.
Gjatë një komunikimi me gazetarët nga selia e Pdsë, ku u rikthye bashkë me grupin e rithemelimit të Pdsë një ditë pas protestës, Berisha tha se asgjë nuk mund të pengojë këtë revolucion paqësor në realizimin e objektivave historike të tij deri në mbizotërimin e shumicës mbi pakicën. Për Berishën, Basha dhe shpirti i tij i zi është i njëjtë me Spiro Kolekën, ndërsa akuzoi Ramën se futi në selinë e Pd-së për pengun e tij banda dhe vrasës. “Siç u konstatua, dyert e blinduara nga Lulzim Turpi i hapën. Lulzim Basha është në armiqësi totale me të gjithë anëtarësinë dhe familjarët e tyre, me të vdekur e të gjallë të kësaj partie. Edi Rama me Lulzim Bashën janë dy armiqtë më të egër të demokratëve. Cinizmi i tij është ekstrem, shpirti i tij i zi është i njëjtë me Spiro Kolekën. Edi Rama futi për pengun e tij banda, vrasës në seli. Asnjëri prej tyre nuk është arrestuar. Asgjë nuk mund të pengojë këtë revolucion paqësor në realizimin e objektivave historike të tij”, tha Berisha. Ish-kryeministri akuzoi se Basha bashkëpunoi me Ramën për arrestimin e demokratëve që ishin në protestë. “Rama ka futur në xhep bravën dhe mendon se ka arritur t’i caktojë Pd-së kryetarin me policë. Basha nuk ka asnjë fuqi, është i shkarkuar nga të gjitha funksionet që ka. Në një bashkëpunim të ethshëm me narkopolicinë e Edi Ramës, mbrëmë pas përfundimit të protestës janë formuluar lista dhe janë arrestuar, ndaluar, demokratë, që nuk kishin kryer në mënyrë absolute asnjë lloj akti, për të cilin duan t’i bëjnë përgjegjës”, tha ai. Ish-kryeministri foli gjithashtu edhe për protestën e radhës për të cilën tha se do të jetë në një kohë të përshtatshme. “I siguroj demokratët se protesta e radhës do mbahet dhe gjithçka do jetë në funksion të interesit të tyre dhe kur të gjykohet koha më e përshtatshme”, tha
Berisha. I pyetur se çfarë e bëri që të mbyllte protestën, Berisha tha se ishte gazi i hedhur në sasi toksike. “Fare thjesht, ishte gazi që hodhën në sasi toksike dhe njerëzit ishin të shtrirë në anë të Lanës nga helmimi. Në betejë ka një tërheqje, kur shihet se është përdorur një lëndë toksike dhe kjo ishte e vetmja arsye”, tha Berisha. Më tej, ai sqaroi se edhe nëse nuk do ndërhynte Policia, nuk do kishte asnjë viktimë. “Asnjë viktimë nuk do kishte. A patë një njeri të armatosur. Asnjë. Ata janë punonjës të Pd-së, janë deputetë të Pd-së. I përgëzoj të gjithë ata deputetë të forcës sonë politike që refuzuan skenarin kurth të Lulzim Bravës që kërkonte t’i përdorte mish për top. Nuk ka më shqiptar që nuk e ka të qartë se Edi Rama ka një zyrë në Kryeministri dhe mjerisht deri sa ta çlirojmë një zyrë në këtë seli. Nuk ka më qytetar shqiptar që nuk e ka të qartë se Lulzim Basha është murosur në muret e Kryeministrisë deri sa ta çlirojmë dhe atë nga Edi Rama”, tha Berisha.
Më tej, ai sqaroi se edhe nëse nuk do ndërhynte Policia, nuk do kishte asnjë viktimë. “Asnjë viktimë nuk do kishte. A patë një njeri të armatosur. Asnjë. Ata janë punonjës të Pd-së, janë deputetë të Pdsë. I përgëzoj të gjithë ata deputetë të forcës sonë politike që refuzuan skenarin kurth të Lulzim Bravës që kërkonte t’i përdorte mish për top. Nuk ka më shqiptar që nuk e ka të qartë se Edi Rama ka një zyrë në Kryeministri dhe mjerisht deri sa ta çlirojmë një zyrë në këtë seli. Nuk ka më qytetar shqiptar që nuk e ka të qartë se Lulzim Basha është murosur në muret e Kryeministrisë deri sa ta çlirojmë dhe atë nga Edi Rama”, tha Berisha.