Në kërkim për trafik droge, arrestohet 37-vjeçari

Forcat e rendit sekuestruan në banesë municione dhe radio policie

LEZHË - Një 37-vjeçar i shpallur në kërkim ndërkombëtar nga autoritetet italiane u arrestua nga Policia e Lezhës në kuadër të një operacioni të koduar “Sergate”. Në pranga përfundoi Bledar Delia (Dushkaj), banues në fshatin Balldre të Lezhës. Policia sqaroi se ky shtetas ishte shpallur ne kërkim ndërkombëtar, pasi Gjykata e Milanos në shtetin fqinj e ka dënuar atë me 7 vite burg, pasi është shpallur fajtor për përfshirjen në një 0organizatë kriminale dhe për trafikimin e lëndëve narkotike. Policia e Lezhës sqaroi gjithashtu, se gjatë kontrollit të ushtruar në banesën e këtij shtetasi, shërbimet e Policisë gjetën dhe sekuestruan fishekë luftarak, si dhe 2 radio marrëse-dhënëse si ato të Policisë. “Komisariati i Policisë Lezhë, në bashkëpunim me Seksionin për

Hetimin e Narkotikëve dhe Trafiqeve në DVP Lezhë, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, kanë bërë të mundur lokalizimin, kapjen dhe arrestimin provizor, me qëllim ekstradimin drejt Italisë, të shtetasit: Bledar Delia (Dushkaj), 37 vjeç, banues në Balldre, Lezhë. Ky shtetas ishte shpallur ne kërkim ndërkombëtar, pasi Gjykata e Milanos/ Itali e ka dënuar me 7 vite burg për veprën penale ‘Organizatë kriminale’ dhe ‘Trafikim i lëndëve narkotike’ parashikuar nga Kodi Penal italian. Gjithashtu, gjatë kontrollit të ushtruar në banesën e këtij shtetasi, shërbimet e Policisë gjetën dhe sekuestruan fishekë luftarak, si dhe 2 radio marrëse-dhënëse si ato të Policisë”, sqaroi Policia. Në komunikatë thuhet se pas arrestimit të përkohshëm të 37-vjeçarit, do të kryhen procedurat e ekstradimit. e.h