Vdekja e 3-vjeçarit në kopsht, zbardhet letra e edukatores
Gjykata e Fierit lë në burg për 30 ditë Redina Binjakun, mungoi në sallën e gjyqit. Akuza që ka ngritur Prokuroria ndaj saj
Gjykata e Fierit ka lënë në burg edukatoren e një kopshti në Fier ku të premten e javës së kaluar ndërroi jetë në rrethana ende të pa sqaruara plotësisht një fëmijë 3-vjeçar.
Ndaj edukatores Redina Binjaku është caktuar masa e sigurisë “Arrest me burg”. Gjykata ka vendosur 30 ditë burg për Binjakun, e cila akuzohet nga organi i akuzës për shkelje të rregullave në punë. Në dëshminë e saj edukatorja 27-vjeçare u shpreh se fëmija u mbyt me kapuçin e tij gjatë kohës që kishte shkuar të merrte çantën e varur. Ndërkohë që familjarët e vogëlushit kërkojnë zbardhjen e ngjarjes me pretendimet se ka qenë e pamundur që fëmija të mbytej në një lartësi të tillë.
LETRA
Edukatorja e arrestuar nuk ka marrë pjesë në seancën e djeshme gjyqësore në Gjykatën e Fierit, duke preferuar të përfaqësohet me avokat mbrojtës. Në letrën e siguruar nga “Panorama”, ajo shkruan se është shumë e ngarkuar nga ana psikologjike, ndaj nuk mund të marrë dot pjesë në seancë. Gjithashtu, Binjaku i shpreh ngushëllimet familjes. “Unë shtetasja Redina Binjaku mora njoftim për seancën gjyqësore të datës 11.01.2022 ora 10:00. Në radhë të parë, i shpreh ngushëllimet më të sinqerta familjes së të miturit, Noah Kodheli. Jam shumë e ngarkuar psikologjikisht prej situatës në të cilën ndodhem. Për këtë shkak, nuk mund të marr pjesë në zhvillimin e seancës për vlefshmërinë e arrestit dhe caktimin e masës së sigurisë personale. Kërkoj të përfaqësohem nga avokati im Ylli Asimetaj, anëtar i dhomës së Avokatisë”, thuhet në letër. Ngjarja tragjike u regjistrua mesditën e së premtes në një kopsht privat në qytetin e Fierit. Policia njoftoi se një fëmijë i moshës 3-vjeçare ka ndërruar jetë. Burimet bëjnë