I dënuar me 3 vite burg, 20-vjeçari kryente trafik droge

Trafikonte edhe tritol drejt Greqi, kush është i riu i arrestuar

SARANDË-NJË 20-vjeçar ka përfunduar në prangat e Policisë në kuadër të një operacioni të koduar “Redline”. Sipas policisë, 20-vjeçarisurjat Rroshi, banues në fshatin Mesopotam, Sarandë, rezulton i dënuar nga Gjykata e Apelit Gjirokastër me 2 vite e 8 muaj burgim, për veprën penale “Mbajtja pa leje dhe prodhimi i armëve, armëve shpërthyese dhe i municionit”. Ndërsa rezulton në kërkim për një tjetër vepër penal për të cilën ishte dënuar me rreth 3 vite burg, Rroshi,dyshohet si një nga autorët e ngjarjes së datës 28 dhjetor të vitit të shkuar, në fshatin Kakavije, ku u gjetën 44 kilogramë e 500 gramë lëndë narkotike cannabissativa, 4 kallëpe me lëndë plasëse, kapsolla detonatore dhe fitil zjarr përcjellës, në tentativë për t’i trafikuar në shtetin grek. “Gjithashtu, si rezultat i hetimeve të kryera nga Seksioni për Hetimin e Narkotikëve dhe Trafiqeve të Paligjshme në DVP Gjirokastër rezulton se ky shtetas është njëri prej autorëve të ngjarjes së ndodhur në datën 28.12.2021, në pyllin midis fshatit Kakavijë dhe fshatit Dritë, ku nga shërbimet e Policisë u gjetën 42 pako të mbështjella me qese plastike, në brendësi të të cilave kishte lëndë të dyshuar narkotike cannabissattiva, me peshë totale 44 kilogramë e 500 gramë, 4 kallëpe me lëndë plasëse, kapsolla detonatore dhe fitil zjarrpërcjellës, në tentativë për t’i trafikuar në shtetin grek. Vijon puna për identifikimin dhe kapjen e personave të tjerë të përfshirë në këtë veprimtari kriminale. Materialet në ngarkim të shtetasit Surjat Roshi i kaluan Prokurorisë pranë Gjykatës së Shkallës së Parë Gjirokastër, për veprat penale “Mbajtja dhe prodhimi i armëve, armëve shpërthyese dhe municionit”, “Trafikim i lëndëve narkotike” kryer në bashkëpunim dhe “Trafikim i lëndëve plasëse, djegëse, helmuese dhe radioaktive” kryer në bashkëpunim. OPERACIONI NË MIRDITË Ndërkohë, në Mirditë policia sekuestroi një sasi prej 3 kilogramë e 200 gramë lëndë narkotike e dyshuar cannabissativa. Operacioni u ndërmor pas informacioneve në rrugë operative. “Në vijim të punës për parandalimin dhe goditjen e veprimtarisë kriminale në fushën e prodhimit

dhe shitjes së narkotikëve, bazuar dhe në informacionet e marra në rrugë operative për një shtetas që qarkullonte me automjet dhe posedonte lëndë narkotike, shërbimet e DVP Lezhë, në bashkëpunim me Komisariatin e Policisë Mirditë, kanë organizuar punën dhe në Reps, Mirditë, kanë lokalizuar mjetin e dyshuar, me drejtues shtetasin D. L.gjatë kontrollit në mjet, shërbimet e Policisë kanë gjetur dhe sekuestruar 3 kilogramë e 200 gramë lëndë narkotike të dyshuar cannabissativa”, sqaroi policia. Materialet iu referuan Prokurorisë së Rrethit Gjyqësor Lezhë, për veprime të mëtejshme, për veprën penale “Prodhimi dhe shitja e narkotikëve”. sh.d