Nga Moska, Presidenti Putin bën kërcënimin e radhës ndaj Ukrainës
Shpërthime të shumta tronditën disa zona në Kiev pas një muaji qetësie Putin paralajmëron se Rusia do të godasë objektiva të rinj nëse Ukrainës i dërgohen raketa me rreze të gjata
Presidenti Vladimir Putin tha se Rusia do të godiste objektiva të rinj nëse SHBA-JA fillon të furnizojë Ukrainën me raketa me rreze më të gjatë veprimi, njoftoi të dielën Agjencia Shtetërore Ruse e Lajmeve “Tass”.
Në pjesë të një interviste për televizionin shtetëror “Rossia1”, të transmetuar më 5 qershor, Putin tha se “buja” rreth ofrimit të armatimit perëndimor në Ukrainë ishte një dredhi për të larguar konfliktin. Putin nuk specifikoi se cilët objektiva të rinj mund të godasë Rusia. Rusia nisi luftën e saj të paprovokuar kundër Ukrainës më 24 shkurt. Dhjetëra mijëra njerëz janë vrarë dhe miliona janë zhvendosur në më shumë se 100 ditë luftime që atëherë. Rusia nuk ka lëshuar shumë informacione në lidhje me humbjet e saj gjatë konfliktit, por analistët perëndimorë dhe ukrainas kanë thënë se ato kanë qenë shumë më të mëdha sesa pritej fillimisht Moska.
Ukraina ka kërkuar sisteme të avancuara të lëshimit me shumë raketa si M270 dhe M142 HIMARS në mënyrë që të jetë në gjendje të godasë në pjesën e pasme të forcave ruse. Presidenti i SHBA-SË, Joe Biden, tha javën e kaluar se do t’i siguronte Ukrainës sistemin HIMARS, pasi u sigurua se nuk do të përdorej për të goditur objektivat brenda Rusisë. Gazeta spanjolle “El Pais” raportoi më 5 qershor se Madridi planifikon të furnizojë Ukrainën me raketa kundërajrore dhe tanke luftarake Leopard. Madridi planifikon të trajnojë ushtarakët ukrainas për përdorimin e armëve në një bazë në Letoni, ku Spanja ka vendosur tashmeve më 500 trupa. Putin tha se armatimi i ri për Ukrainën kishte për qëllim “për të kompensuar humbjet” e pajisjeve ukrainase dhe nuk do të “ndryshonte asgjë në thelb”. “Kjo nuk është asgjë e re”, tha ai. Në një fragment nga e njëjta intervistë, Putin tha se sistemet ruse të mbrojtjes ajrore kishin shkatërruar dronët ukrainas dhe “i thyenin si arra”. Shtetet e Bashkuara kanë hezituar të dorëzojnë artileri të rënda mes shqetësikomanda që mund të provokojnë Rusinë, thanë analistët. Disa analistë thonë se debati i brendshëm i administratës mbi furnizimet me armë ka humbur kohë të çmuar për Ukrainën. “Të gjitha vendimet tona kanë qenë të vonuara”, tha Ben Hodges, një ishkomandant i Ushtrisë Amerikane në Evropë. Ndërkohë, mbrojtja ajrore e Ukrainës rrëzoi katër raketa ruse të drejtuara në qytetin Mykolaiv në jug të Ukrainës, njoftoi të dielën
Operacionale Jug. “Gjatë një sulmi natën nga deti me raketa në të gjithë jugun e Ukrainës, dy raketa u rrëzuan nga forcat e divizioneve tona mbi det, në afrim drejt rajonit të Mykolaiv-it”, thuhet në deklaratë. Në agim, rajoni i Mykolaiv-it iu nënshtrua përsëri një sulmi masiv raketor duke përdorur avionë, ndërkohë që dy raketa u rrëzuan nga mbrojtja ajrore, thuhet në deklaratë. Rusia gjithashtu u përpoq të rimarrë pozicionet e humbura në dy zona të Mykolaiv, por “pësoi humbje të mëdha dhe u tërhoq”, u
raportua të dielën përmes një deklarate të veçantë nga Shtabi i Përgjithshëm i Forcave të Armatosura të Ukrainës. Në Kherson aty pranë, ushtria tha se nuk ka pasur lidhje celulare apo interneti për gjashtë ditë dhe trupat ruse që kontrollojnë qytetin kanë hapur një degë të një partie të quajtur “Rusia e Bashkuar” ku “mbledhin të dhëna nga banorët e qytetit”. Luftime të ashpra po zhvillohen gjithashtu në lagjen Beryslav dhe shumë shtëpi, rrugë dhe ura janë shkatërruar, njoftojnë burime ushtarake.