Gafa, Ministria e Mbrojtjes akuzon zjarrfikësin Luan Kapaj konsiderohet gabimisht si piroman në Sazan

Ndërkohë që flakët djegin masive të tëra në ishullin e Sazanit, autoritetet duket se kanë dështuar për t’i vënë flakët nën kontroll. Përballë kësaj situate, Ministria e Mbrojtjes zbuloi edhe fajtorin e zjarreve, vetëm se ai ishte zjarrfikës e madje i dekoruar. Bëhet fjalë për zjarrfikësin Luan Kapaj, i cili spikati me heroizmin e tij pas tërmetit tragjik të 26 nëntorit 2019. Zjarrfikëse Kapaj ndodhet në terren prej shpërthimit të flakëve. “Një video që dyshohet të jetë bërë nga punonjës të operacioneve të fikjes së zjarreve, ka zbuluar një person që dyshohet të jetë autor i njërës prej zjarrvënieve

në ishullin e Sazanit. Policia bën me dije se ka nisur menjëherë hetimet për të zbuluar autorin apo autorët e kësaj zjarrvënieje që mori përmasa të mëdha. Nga videoja e siguruar, personi duket që del nga një vatër e sapondezur zjarri. Ende nuk dihen shkaqet që e kanë

detyruar atë të ndërmarrë një veprim të tillë, por Kodi Penal në fuqi parashikon ndëshkime deri në 20 vite burg për autorët e djegies së qëllimshme të pyjeve dhe bimësisë në Shqipëri. Konkretisht, neni 206/a i Kodit Penal, ndryshuar për herë të fundit në vitin 2013, parashikon 5 deri në 8 vite burg për shkatërrimin me dashje përmes zjarrit, të fondit pyjor dhe të çdo njësie të ngjashme me të, me pasoja të rënda materiale. Kur zjarrvënia është kryer me qëllim ndryshimin e kategorisë dhe destinacionit të tokës, nga pyll në kullotë, truall etj., parashikohet një dënim me burg nga 5 deri në 15 vjet. Ndërkaq, kur vënia e zjarrit të qëllimshëm ka shkaktuar pasoja të rënda për pronën, shëndetin ose jetën e njerëzve apo dëme të rënda dhe të zgjatura në kohë ndaj mjedisit, dënohet nga 10 deri në 20 vjet burg”, thuhet në njoftimin e Ministrisë.