Transportet, Rama: “Korridori Blu”, brenda mandatit të tretë
“Do vazhdojmë për të jetësuar 4 liritë e lëvizjes së Be-së” Kryeministri, kritika Be-së: Jo më vonesa burokratike në financimin e projekteve infrastrukturore në vendin tonë
Samiti i vendeve të Ballkanit Perëndimor për Rrugët u mblodh dje në Tiranë për projektet të përbashkëta strategjike, të cilat do të afrojnë edhe më shumë vendet me njëri-tjetrin.
I pranishëm ishte edhe Kryeministri Edi Rama, i cili nuk i kurseu kritikat ndaj Besë mbi vonesat burokratike në financimin e projekteve infrastrukturore në vendin tonë. “Të presësh vite për një segment hekurudhor nga Tirana në Durrës, për shkak të burokracisë është diçka që dhemb shumë dhe krijon shumë frustrim, shkon në të kundërt me qëllimet e mëdha të përbashkëta të BE”. Teksa foli për projektet infrastrukturore që lidhin vendet e rajonit të Ballkanit, Kryeministri Edi Rama tha se brenda mandatit të tretë qeverisës do të jetë funksional “Korridori Blu”. “Jemi në një fazë të avancuar dhe brenda këtij mandati të tretë qeverisës do shikojmë frytet e këtij kantieri kaq të madh”, siguroi Edi Rama. Ai bëri të qartë se Shqipëria si dhe vendet e tjera të rajonit, nuk kanë kohë për të humbur për sa i përket afrimit
në BE. “E vetmja gjë që do thosha në fund dhe do doja ta mbanin mend të gjithë miqtë që kanë ardhur këtu nga Brukseli ose krahu perëndimor i rajonit, është të humbasim më pak kohë. Sepse ne nuk kemi kohë për të humbur, natyrisht kemi shumë më pak kohë për të
humbur se sa koha që ka për të humbur Be-ja. Ecuria e BP të jetë pjesë e vëmendjes dhe e mbështetjes së strukturave të Be-së, të presësh kushedi sa vite për të bërë një segment hekurudhor nga Tirana në Durrës, për shkak të burokracisë në institucionet europiane, kjo dhemb shumë dhe
realisht krijon shumë frustrim dhe shkon kundër qëllimeve të përbashkëta”, tha Rama. Kryeministri u ndal edhe te samiti i radhës i Ballkanit të Hapur, nismë që sipas tij synon realizimin e katër objektivave që janë jetike për paqen dhe zgjidhjen e konflikteve në rajon. “Është një ditë që nis këtu sot me transportin, sigurinë e rrugëve dhe që vazhdon në Ohër me një tjetër Samit të
Ballkanit të hapur në funksion të ecjes sa më shpejt në funksion të realizimit të lëvizjes së lirë të njerëzve të mallrave kapitaleve dhe shërbimeve dhe jetësimit sa më shpejt të 4 lirive në BE”, deklaroi Rama. Ndërsa ministrja e Energjetikës, Belinda Balluku, tha se projektet infrastrukturore janë në përputhje me standardet e vendeve të Be-së dhe kanë në thelb lidhjen me vendet e rajonit.