Shokohet Italia, vritet brutalisht një transgjinor në zonën ku u gjet Nevila
Ekspertët dyshojnë për praninë e një “serial killer”-i në Saranza Në pranga një person, dyshohet se ekzekutoi transgjinorin për të fshirë gjurmët e krimit ndaj shqiptares
Policia dhe grupi hetimor që po merrej me zbardhjen e vrasjes brutale të shqiptares Nevila Pjetri, janë shokuar mëngjesin e djeshëm kur kanë hasur në një tjetër viktimë, thuajse në të njëjtën zonë. Pas verifikimeve të para, ekspertët kanë fiksuar faktin se sulmi ndaj viktimës së radhës ishte i ngjashëm me atë të njohur ndaj 35-vjeçares shqiptare ndaj kanë ngritur edhe dyshimet se është e njëjta dorë që i ka vrarë të dy. Policia italiane ka bërë të ditur dje se viktima ishte një transgjinor dhe ka dyshime se ai mund ta ketë parë vrasësin e Nevilës dhe mund të jetë eliminuar si dëshmitar. Ndërkohë, bëhet me dije se po hetohet edhe pista e ndonjë vrasësi serial që mund të rezultojë konkretisht personi që është sjellë në pranga. Grupi hetimor italian nuk ka bërë me dije asgjë për zejtarin nga zona që kanë arrestuar si të dyshuar për vrasjen e Nevila Pjetrit, por është mësuar se përgjatë ditës së djeshme ky person është shtetas italian dhe se në mjetin e tij, një “Ford Fiesta” i bardhë, pa targa, janë gjetur ca njolla gjaku dhe sende të tjera kompromentuese. Policia italiane po heton në mënyrë intensive për zbardhjen e dy krimeve të rënda që kanë tronditur qytezën e vogël të Saranzës në provincën e La Spezias.
MEDIAT ITALIANE
Vrasja e Nevila Pjetrit ka shokuar opinion publik për shkak të brutalitetit me të cilin i është marrë jeta. Por, mediat vendase bënë me dije dje se vrasja e saj ishte një krim që u pasua pas disa orësh në të njëjtën zonë, nga një tjetër sulm fatal. Viktima e dytë është një transeksual, trupi i pajetë i të cilit është gjetur i mbuluar me ferra në një arë, pak e mënjanuar nga zonat e banuara, në afërsi të një hekurudhe. Sipas të dhënave të mediave vendase, jo shumë larg Polica gjeti edhe një makinë në të cilën kishte njolla gjaku. Sipas raportimeve, vrasësi kishte përdorur një arë. Një pistë
tjetër hetimi është zhdukja e dëshmitarit. Sipas La Reppublica vrasësi mund t’i “ketë mbyllur gojën përgjithmonë” transgjinorit, i cili mund të ketë qenë dëshmitar i vrasjes së Nevila Pjetrit. Sipas raportimeve të mediave italiane, ai mund ta ketë parë teksa po ngarkonte shqiptaren në makinë, një makinë e bardhë shërbimi, pranë një karburanti në zona e “Marinella di Sarzana”. Një hipotezë është se pas dy vrasjeve mund të jetë e njëjta dorë, por njëkohësisht Policia bën me dije se po hetohet edhe bota e prostitucionit pasi dyshohet edhe se vrasjet të jenë kryer nga një klient ose mund të jetë hakmarrje brenda
grupit të rrjetit të prostitu- cionit. Sipas hetimeve të para pas vdekjes së 35-vjeçares, shqiptarja është rrahur dhe tentuar të mbrohet, më pas është goditur pas veshit të majtë ose me kaçavidë ose pistoletë të kalibrit të vogël. Sipas hipotezave hetimore, ndosh- ta 35-vjeçarja kishte vendosur të mos prostituonte më ose don- te të ishte e “pavarur” prej shfrytëzuesve dhe kështu ata mund të kenë “firmosur” ur- dhrin e vdekjes. Por, ende nuk dihet asnjë detaj, ndërsa në pranga është vënë zejtari, banor i zonës, i cili dyshohet se ka lidhje me të dyja ngjarjet. Ai ësh- të ndaluar dhe do të merret në pyetje nga autoritetet hetimore.