Rusia iniciatore e “Open Balkan”? Vuçiç: Ide e imja, Zaevit dhe Ramës
Në konferencën e përbashkët në samitin e Ohrit, Presidenti serb, Aleksandër Vuçiç, mohoi deklaratat e ministrit të Jashtëm rus, Sergei Lavrov se “Ballkani i Hapur” është mbështetur nga Moska. Vuçiç bëri të qartë se ideja e kësaj nisme ishte e tij, ish-kryeministrit maqedonas Zoran Zaev dhe Edi Ramës. “Në takimin e parë ka qenë Zorani, unë dhe Rama. Nuk ka qenë asnjë ministër i Jashtëm. Nuk kam turp për politikën që bën Serbia. Nuk iu turpërohem marrëdhënieve të mira që kemi me Federatën Ruse. Por, asnjë tjetër përveç nesh s’kishte asnjë ide. Kjo është ideja jonë. Ardhmëria është në bashkëpunim. Kjo është ideja e njerëzve që fermerët do të jenë shumë më të kënaqur sepse kanë ku të eksportojnë. Të kenë shumë më tepër qytetarë serb që të vinë në bregdetin shqiptar. Të mendojmë si ta bëjmë diçka të përbashkët. Ideja është e Zoran Zaev, Edi Ramës dhe e imja. Askush tjetër nuk ka marrë pjesë në këtë ide”, tha Vuçiç. Presidenti i Serbisë, Aleksandër Vuçiç propozoi dje që
samiti i radhës i Ballkanit të Hapur të mbahet në Jug të Serbisë, teksa ka ftuar dhe përfaqësues të Prishtinës dhe Bosnje Hercegovinës. Sipas Vuçiç, nëse “do na hapen negociatat apo jo, varet nga disa të tjerë”. “E do prisni a do dalë dielli atë ditë apo jo ndonjëherë varet nga ne, ndonjëherë jo nga ne. Ajo që varet nga ne është si do jetojmë me fqinjët tanë, a do bisedojmë, a do ndihmojmë fqinjët e a do na ndihmojnë fqinjët ne. Me rëndësi të them që formojmë grupe punuese menjëherë apo në takimin e ardhëm që takimin propozoj të jetë në Serbinë Jugore para samitit të madh që e kemi, në fund të verës në Beograd, që të dakordohemi për grupet punuese si të tejkalojmë pengesat, të ndihmojmë njeri-tjetrin të mbijetojmë dimrit se ky është interesi kryesor për qytetarët e tre vendeve tona dhe të vendeve të rajonit janë të mirëseardhur e nëse duan të marrin pjesë dhe përfaqësuesit e Bosnje Hercegovinës dhe Prishtinës, Malit të Zi e me radhë. Me rëndësi të përshpejtomë projektet tona të përbashkëta”, deklaroi Presidenti Vuçiç.