LEHTËSITË DOGANORE

Lehtësimi i tregtisë mes vendeve të rajonit do të rrisë shkëmbimet tregtare dhe konkurrueshmërinë e ekonomive tona në tregjet evropiane e globale. Kjo u theksua gjatë një takimi mes drejtorit të Përgjithshëm të Doganave, Gent Gazheli dhe homologut të tij serb Branko Radujko, dje në Ohër. “Mes Shqipërisë dhe Serbisë janë nënshkruar disa marrëveshje, një nga të cilat është dhe për njohjen reciproke të Operatorëve të Autorizuar Ekonomikë, që mundëson lehtësira në eksportet dhe importet mes dy vendeve”, tha Gazheli.