Banka Botërore: Ekonomia do rritet me 3.2%

Mungesa në treg e naftës dhe e gazit dhe efekti zinxhir i rritjes së çmimeve kanë bërë që institucionet më të larta financiare të rishikojnë projeksionet për rritjen ekonomike. Në raportin e saj të fundit, Banka Botërore vë në dukje se përgjatë këtij viti ekonomia shqiptare do të rritet me 3.2 për qind, ose 0.6 pikë përqindje më pak se raporti i fillimvitit. Ndërsa vitin e ardhshëm, pra në 2023, ekonomia pritet të rritet me 3.5 për qind ose 0.2 pikë përqindje më pak se vlerësimi i mëparshëm. Më herët edhe Banka Europiane për Rindërtim dhe Zhvillim (BERZH) ka ulur sërish pritshmëritë për rritjen ekonomike, përkatësisht në 3 për qind. Sipas këtij institucioni, përgjatë këtij viti ekonomia do të rritet me vetëm 2 për qind, nga 4.5 për qind që ishte edhe projeksioni fillestar.