Afatet pas afishimit të listave nga Kadastra
Pas afishimit apo publikimit të emrit në faqen zyrtare të Kadastrës, qytetarët kanë 30 ditë afat që të bëjnë korrigjimet e nevojshme nëse kanë. “Drejtoria Vendore e ASHK bën afishimin publik për qytetarët, për të cilët kanë nisur procedurat e kalimit në pronësi të objekteve pa titull dhe oborreve në përdorim . Bazuar në ligjin Nr. 20, datë 05.03.2020 “Për përfundimin e proceseve kalimtare të pronësisë në Republikën e Shqipërisë”. ASHK është institucioni i ngarkuar nga ligji për realizimin e procesit të kalimit në pronësi të objekteve pa titull pronësie, të ndërtuara deri në datën 10.08.1991. Publikimi i planvendosjes së objekteve që po trajtohen nga ASHK bëhet për një periudhë 30 ditore”, thuhet në njoftimin e agjencisë, e cila në mënyrë të vazhdueshme publikon listat e përfituesve jo vetëm në Tiranë, por edhe në rrethe.