Darka në Ambasadën e SHBA, menyja që u servir në tryezë

Ish-ministrat e Jashtëm të Shqipërisë u bën bashkë në një darkë të organizuar mbrëmjen e mërkurës në ambasadën amerikane nga ambasadorja e SHBA-SË në vendin tonë Yuri Kim. “Panorama” mundi të sigurojë edhe menynë e ushqimit që iu servir ish-kryediplomatëve të vendit tonë ndër vite. Menyja e plotë ishte: Supë me avokado dhe kastravec; Sallatë (cikore e mbushur me djathë, gorgonzola); Levrek i mbuluar me stika dhe asparag; Sufle. Darka bëri bashkë për herë të parë pas disa kohësh edhe Presidentin Ilir Meta dhe ish-kryedemokratin Lulzim Basha, të cilët kanë mbajtur ndër vite postin e ish-ministrit të Jashtëm. Konkretisht, Meta e ka drejtuar këtë dikaster në vitet 20092010 dhe 2002-2003, ndërsa Basha në vitet 2007-2009. Në darkë nuk ishin të pranishëm disa prej ish-ministrave të Jashtëm. Grupi ngriti gjithashtu edhe një dolli për të nderuar ata të cilët nuk mundën t’i bashkoheshin mbrëmjes, Muhamet Kapllani, Alfred Serreqi, Besnik Mustafaj dhe Gent Cakaj.