GENTIANA SULA RIZGJIDHET NË KRYE TË AUTORITETIT TË DOSJEVE, RRËZOHET SIMON MIRAKA

Parlamenti votoi dje Gentiana Sulën për një mandat tjetër në drejtim të Autoritetit për Informimin mbi Dokumentet e ishsigurimit të Shtetit. Në votim kanë marrë pjesë 119 deputetë, nga të cilët 105 kanë votuar pro, 1 kundër dhe 1 abstenim. Deputetët socialistë dhe deputetë të opozitës i kanë besuar Sulës drejtimin e këtij institucioni për një tjetër mandat 5-vjeçar. Më herët, me 64 vota kundër, 17 pro dhe 1 abstenim, Kuvendi ka rrëzuar kandidaturën e Simon Mirakës për anëtar të Autoritetit të Dosjeve. Socialistët e paralajmëruan qëndrimin e tyre, duke ngritur kartonin e kuq në Komisionin e Ligjeve, me pretendimin se emri i tij është propozuar nga ishkryeministri Sali Berisha.