Ahmetaj mbron taksat mbi naftën, nuk janë 62%, por 46 për qind

Zëvendëskryeministri Arben Ahmetaj përgënjeshtroi deputetët e opozitës, sipas të cilëve 62% e çmimit të naftës në treg është taksa që i paguajmë shtetit. Sipas përllogaritjeve të Ahmetajt, në të vërtetë taksat zënë 46% të çmimit fundor. “Për çmimin e naftës flisni ju? Gënjyet! Ja çfarë thanë: Është rritur, 62% është taksa. Gënjeni, taksa është 46% dhe po u them se është një reflektim shumë i dhimbshëm i tregut ndërkombëtar, por po ta kishim akcizën me %? Pse nuk i referoheni? 37 lekë akciza, me përqindje do të ishte 74 lekë dhe nuk do të ishte çmimi aq sa është sot, po shtoni dhe një 40-ëshe tjetër, patjetër që çmimi është i lartë dhe i dhimbshëm, por është kohë krize, dhe sjellja do duhet të jetë ndryshe, në referencë të krizës”, tha ai. Më tej, zëvendëskryeministri “sfidoi” opozitën, duke iu drejtuar: “Po ju provokoj: më gjeni një paketë sociale që keni bërë ju që mund t’i ngjasojë 10% paketave tona të rindërtimit, dhe hajdeni debatojeni këtu, po një mo një! Një tek. Kur flisni për stagflation, duhet ta mendoni mirë çfarë thoni, se ajo është kolerë kur bie për ekonominë. Fatmirësisht, nuk kemi akoma, do Zoti nuk na çon në atë pikë, që të bjerë kërkesa. Stagflation është kur bie rritja ekonomike dhe rritet papunësia. Nuk kemi rritje fatmirësisht dhe bie kërkesa, Mondiii nuk ka rënë kërkesa”.