SCHOLZ NË SERBI: DIALOGU TË SJELLË NJOHJEN
Kancelar i Gjermanisë, Olaf Scholz, nisi dje turin në Ballkanin Perëndimor. Ndalesën e parë e bëri në Prishtinë, ku u takua me Kryeministrin e Kosovës, Albin Kurti dhe më pas drejt Beogradit. Kancelari gjerman nënvizoi se për të arritur anëtarësimin në organizata ndërkombëtare duhet fillimisht të ketë një marrëveshje afatgjatë mes Prishtinës dhe Beogradit, rezultati i së cilës duhet të jetë njohja e Kosovës. “Në kohëra si këto vlerat e sigurisë dhe lirisë na bëhen më të qarta, është një arsye edhe më shumë e rëndësishme që Kosova dhe Serbia përmes një marrëveshjeje përfshirëse dhe të qëndrueshme të gjejnë një zgjidhje politike, e cila kontribuon në stabilitetin rajonal. E qartë është që marrëveshja në fund duhet të zgjidhë edhe çështjen e njohjes së Kosovës, sepse është e paimagjinueshme që dy vende, të cilat nuk e njohin njëra-tjetrën të bëhen anëtare të Be-së”, deklaroi Kancelari gjerman.