TABAKU: PS, PËRGJEGJËSE PËR NXJERRJEN E DATABAZAVE

Deputetja e Partisë Demokratike, Jorida Tabaku, ka rikthyer në vëmendje publikimin e të dhënave personale për qëllime elektorale nga patronazhistët. Me anë të një postimi në “Facebook”, Tabaku thotë se sot subjekti përgjegjës për publikimin e të dhënave, Partia Socialiste, nuk është vendosur përpara drejtësisë. “Databaza e pagave dhe ajo e targave ishin qershia mbi tortë e të dhënave personale që keqpërdoren sistematikisht nga PS dhe që përbëjnë një nga shkeljet më të mëdha të demokracisë dhe privatësisë, që për këdo është e shenjtë”, shkruan Tabaku.