KRYEMADHI: QEVERIA MË E KORRUPTUAR

Kryetarja e LSI-SË, Monika Kryemadhi, ironizoi dje se Agim Kajmaku do të drejtonte një panel te konferenca për korrupsionin, nëse nuk do ta kishin arrestuar italianët. “Edhe Kajmaku i Vorës do të drejtonte një panel te kjo konferenca e qeverisë për korrupsionin, nëse nuk do ta kishin arrestuar italianët. Sepse të gjithë çfarë janë në burg nga Rilindja, më parë kanë qenë ‘kampionët’ e Kryeministrit. Reformën në Drejtësi e miratuam bashkërisht si klasë politike në vitin 2016, që lufta ndaj korrupsionit të ishte përherë ekskluzivisht fusha e veprimit, e një sistemi të pavarur nga politika, të pandikuar nga pushteti legjislativ dhe ai ekzekutiv. Ky i fundit, d.m.th. qeveria, është edhe më i korruptuari!”, tha Kryemadhi.