BE, Matuella: Shqipëria është gati për çeljen e negociatave
Zyrtarja e lartë e Bashkimit Europian, drejtoresha në detyrë për Ballkanin Perëndimor, Michela Matuella, e cila ishte dje pjesë e konferencës së parë antikorrupsion, deklaroi se Shqipëria është gati për çeljen e negociatave. Sipas saj, sfidat dhe problemet ekzistojnë, por rezultatet e arritura deri tani janë vlerësuar nga Komisioni Europian. Matuella bëri thirrje që reformat të mos ndalen, pasi edhe metodologjia e zgjerimet e parashikon këtë. “Shqipëria është gati për çeljen e negociatave. Kjo nuk do të thotë që sfidat dhe problemet nuk ekzistojnë, sepse po të ishte kështu, Shqipëria do të ishte anëtare. Por ne i kuptojmë rezultatet konkrete. Prandaj ne dëshirojmë që negociatat të çelen me Shqipërinë. Meqë ne e shikojmë si ka ecur reforma, çfarë rezultatesh janë arritur, kanë qenë të qarta. Shqipëria duhet të konsolidojë më tepër këto rezultate. Kjo është arsye pse reformat nuk duhet të reshtin. Metodologjia e rishikuar flet për këtë çështje.
Vlerëson punën që keni bërë dhe po bëni”, u shpreh Matuella. Ajo apeloi se Be-ja do të mbështesë punën e organeve të vetingut nga sulmet e ndryshme, nga frikësime, pikërisht “nga ata persona që nuk duan të shohin rezultatet që do të vazhdojë të japë reforma”. “Konferenca antikorrupsion vjen në një moment shumë të mirë për angazhimin e Shqipërisë për të trajtuar këtë fenomen, për angazhimi për negociatat Shqipëria është në angazhimin më të lartë. Be-ja dëshiron që Shqipëria të jetë pjesë e Be-së, si edhe gjithë Ballkanin Perëndimor. Pavarësisht ecurisë se Reformës në Drejtësi, kjo nuk do të thotë se nuk ka problemë dhe sfida. Dëshirojmë që negociatat të çelen me Shqipërinë. Shqipëria duhet të konsolidoje më tej këto rezultate. Është bërë shumë punë për të vendosur Shqipërinë në hartën e vendeve që janë gati të ndërmarrin reforma kurajoze. Ka nisur një ndryshim thelbësor, që do të thotë se askush nuk mund të ketë luksin e mosndëshkimit. Kemi besim që konferenca do të japë kontributin e saj në luftën kundër korrupsionit. Kemi parë ecurinë, sa i përket një sistemi të mirë ligjor, institucione të shëndetshme dhe zbatimin e reformave. Zbatimi i ligjit, kemi parë sinjale të rëndësishme, sigurisht ka punë për të bërë në sekuestrimin e aseteve kriminale apo punën që duhet bërë në ndjekjen penale, punën e SPAK, ka ende gjëra për të bërë dhe sfida të rëndësishme”, deklaroi Michaela Matuella.