META NË SHBA PËR 110-VJETORIN E “VATRËS”

Presidenti Ilir Meta ndodhet në Shtetet e Bashkuara të Amerikës për të marrë pjesë në festimet e 110-vjetorit të krijimit të Federatës “Vatra”, me ftesë të kryetarit të saj, Elmi Berisha. “Mirënjohje përpjekjeve shekullore të vatranëve për të shpëtuar kombin shqiptar, mbrojtur dhe promovuar identitetin tonë kombëtar europian, si dhe përshpejtuar proceset tona demokratizuese dhe integruese. Të gjithë së bashku të shumëfishojmë përpjekjet për të përshpejtuar zhvillimin e qëndrueshëm të Shqipërisë dhe Kosovës, për të dekurajuar fenomenin tragjik të shpopullimit të trojeve shqiptare dhe për të forcuar marrëdhëniet e shkëlqyera dhe partneritetin strategjik me SHBA-NË. Zoti e bekoftë miqësinë shqiptaroamerikane dhe kombin tonë!”, tha Meta në mesazhin para shqiptarëve në SHBA.