Vendimi i Gjykatës për Erion Hasanbelli
Gjykata e Rrethit Gjyqësor Fier, me vendimin nr. 217, datë 07.09.2009, ka vendosur: - Deklarimin fajtor të të pandehurit Erion Hasanbelli për veprën penale të “Vrasjes, kryer me paramendim për gjakmarrje, në bashkëpunim” dhe bazuar në nenet 78/2 e 50/gj të K. Penal, dënimin e tij me burgim të përjetshëm. - Deklarimin fajtor të të pandehurit Erion Hasanbelli për veprën penale të “Vrasjes, kryer me paramendim për gjakmarrje, mbetur në tentativë, në bashkëpunim” dhe bazuar në nenet 78/2 e 22 dhe 50/gj të K. Penal, dënimin e tij me 21 vite burgim. - Deklarimin fajtor të të pandehurit Erion Hasanbelli për veprën penale të “Mbajtjes pa leje të armëve të zjarrit” dhe bazuar në nenin 278/2 të K. Penal, dënimin e tij me 4 vjet burgim. - Në aplikim të nenit 55 të K. Penal, dënimin e tij përfundimisht me burgim të përjetshëm. Në aplikim të nenit 406/1 të K. Pr. Penale, përfundimisht i pandehuri Erion Hasanbelli dënohet me 25 vjet burgim.