PASOJAT E HARTËS SË RE GJYQËSORE, SIPAS PRESIDENTIT

Situata nuk zgjidhet me shkrirje drastike të disa gjykatave në vend.

Një riorganizim i tillë, cenon dhe kufizon rëndë aksesin në drejtësi të individit, si dhe procesin e realizimit të mbrojtjes në çështjet penale, civile dhe administrative. Grumbullimi i gjyqtarëve në një godinë, nuk përshpejton proceset gjyqësore, nuk zgjidh problemin e stokut të çështjeve të mbartura, nuk ul mbingarkesën e gjyqtarëve dhe nuk plotëson vendet bosh në sistem. Shkelje të rëndë të të drejtave dhe lirive themelore të individit, të mbrojtura posaçërisht nga Kushtetuta. Kufizim/cenim të aksesit në sistemin e drejtësisë.

Rritjen e kostove për qytetarin dhe përdoruesit real të gjykatave, si dhe gjithë profesionet e lira të lidhura me sistemin gjyqësor. Tronditje të sistemit gjyqësor në tërësi përgjatë fazës tranzitore. Përqendrim të vendimmarrjes së formës së prerë, vetëm në disa gjyqtarë në Tiranë. Përmes vështirësive, kohës së gjatë të pritjes për një vendim, si dhe rritjes së kostove të ndjekjes së rrugës gjyqësor, do të rritet ndjeshëm humbja e interesit të qytetarit për të ndjekur rrugën ligjore, dhe kjo natyrshëm përligj shqetësimin se mund të sjellë rritjen e fenomenit të vetëgjyqësisë.